Siryjskija ŭłady padčas zadušeńnia paŭstańnia pakarali śmierciu bolš za 340 čałaviek
Siryja praz try miesiacy paśla źmieny ŭłady achoplenaja žorstkimi bajami. Pavodle źviestak miascovych aktyvistaŭ, siły biaśpieki novaj administracyi pry padaŭleńni vystupleńniaŭ prychilnikaŭ raniejšaha režymu pakarali śmierciu nie mienš za 340 cyvilnych asob, siarod ich byli žančyny i dzieci, piša Bild.
Siryjski centr manitorynhu za vykanańniem pravoŭ čałavieka (SCMPČ) paviedamlaje, što tolki ŭ adnym horadzie Banijas siłaviki rasstralali kala 60 čałaviek. U sacsietkach pačali raspaŭsiudžvacca videazapisy z pakarańniami śmierciu i katavańniami.
Pavodle infarmacyi brytanskich krynic SCMPČ, masavyja zabojstvy adbylisia ŭ 21 nasielenym punkcie pravincyj Łatakija, Tartus i Chama. Hetyja rajony tradycyjna ličacca aporaj ałavitaŭ — relihijnaj mienšaści, da jakoj naležyć zrynuty prezident Bašar Asad.
U dakładzie havorycca, što «cyvilnyja asoby byli zabityja takim čynam, jaki nie adroźnivajecca ad apieracyj sił biaśpieki byłoha režymu». Žychary hetych rehijonaŭ achoplenyja stracham. Adzin ź ich paviedamiŭ, što adbyvajecca «šmat napadaŭ i zabojstvaŭ z-za relihijnaj prynaležnaści».
Pravaabaroncy zaklikajuć mižnarodnuju supolnaść umiašacca, adpravić ekśpiertaŭ dla dakumientavańnia złačynstvaŭ i zapatrabavać ad novych siryjskich uładaŭ pryciahnuć vinavatych da adkaznaści.
Novaja siryjskaja administracyja, jakaja pryjšła da ŭłady paśla taho, jak u śniežni minułaha hoda ŭzbrojenyja atrady hrupoŭki «Chajaiat Tachryr aš-Šam» zaniali Damask, raniej abiacała abaronu ŭsich mienšaściaŭ. Adnak ałavity aścierahajucca, što ichniaja supolnaść padvierhniecca represijam — jak za relihijnuju prynaležnaść, tak i za padtrymku siamji Asada.
Kamientary
Pa hałoŭcy ich budziem hładzić? Ci dazvolim nas rasstralać i iznoŭ zachapić uładu i viarnuć łukašyzm?
Pucin i jaho pamahatyja.
Karajuć śmierciu.