IT-hrupa na 1000 čałaviek u Minsku, što pryvoziła Tyla Švajhiera, pajšła ŭ prastoj i zakryła dostup u ofis
IT-hrupa Blockchain Sports Ecosystem, jakaja ŭžo 2—3 miesiacy nie vypłačvaje supracoŭnikam zarpłatu, z 25 sakavika pajšła ŭ vymušany prastoj. Pakul na miesiac. Pra heta kampanija paviedamiła supracoŭnikam u liście, piša Devby.io.
Uviadzieńnie prastoju dla ŭsich supracoŭnikaŭ kampanija nazvała niaprostym, ale nieabchodnym rašeńniem.
«My vymušany ŭvieści prastoj u suviazi ź nieabchodnaściu stabilizacyi situacyi pa arendzie pamiaškańniaŭ i finansavych pytańniach, uklučajučy chutkuju vypłatu zapazyčanaści pa zarobkach», — adznačajecca ŭ liście.
Da kanca hetaha tydnia ŭsie supracoŭniki IT-hrupy pavinny pryjści ŭ ofis, kab padpisać nieabchodnyja dakumienty. Na čas prastoju supracoŭnikam buduć vypłačvać 2/3 akładu.
Kampanija spadziajecca, što prastoj praciahniecca kala miesiaca.
«Ale my prykładajem usie namahańni, kab jak maha chutčej vyrašyć situacyju i adnavić pracu ŭ poŭnym abjomie. Kamanda kiraŭnikoŭ znachodzicca ŭ Białhradzie. My aktyŭna praciahvajem pieramovy z našymi inviestarami i majem nadzieju, što ŭ bližejšy čas zmožam viarnucca da vas z pazityŭnymi navinami», — paviedamiła kampanija ŭ liście.
Pa słovach adnaho z supracoŭnikaŭ IT-hrupy, Blockchain Sports Ecosystem uviała prastoj, kab zapazyčanaść pa zarobku pierad supracoŭnikami nie rasła tak chutka. Ale navat ahučanuju ŭ liście častku zarpłaty kampanija nie budzie vypłačvać u pieryjad prastoju.
— Mnie vypłačvali akład i premiju. 2/3 akładu, pra jakija havorycca ŭ liście, — heta minus 60% usiaho zarobku ŭ maim vypadku. Ale kampanija nie płacić zarpłatu ŭžo try miesiacy, tamu i 2/3 akładu taksama nichto nie budzie vypłačvać. Niama hrošaj, — patłumačyŭ supracoŭnik.
Jon śćviardžaje, što zaraz z usioj hrupy kampanij praciahvajuć pracavać tolki śpiecyjalisty, kankretna źviazanyja z pošukam inviestaraŭ. Usim astatnim navat zakryli dostup u ofis.
— U svoj ofis (u minskim BC «Futurys») my nie trapili, sistema FACE ID adklučanaja. Častka pavierchaŭ pracuje, častka nie. Adkryli tolki dostup na niekatoryja pavierchi, kab zabrać rečy. I byŭ adkryty pavierch, dzie znachodzicca adździeł kadraŭ.
Na dadzieny momant častka supracoŭnikaŭ šukaje novuju pracu, chtości ŭžo napisaŭ zajavu na zvalnieńnie, a niekatoryja majuć paralelnyja prajekty i pakul nie płanujuć sychodzić.
— Niekatoryja vierać, što takaja bujnaja kampanija nie moža razvalicca. Ale nadziei ŭsio mienš. Cikava, što ŭ krasaviku adbudziecca čempijanat pa dryfcie, i Blockchain Sports Ecosystem vystupaje tam jak partnior. Uźnikaje pytańnie: jak heta ŭsio finansujecca?
Kantekst
IT-hrupa Blockchain Sports Ecosystem abjadnoŭvaje niekalki kamand/kampanij/iurasob, u tym liku rezidenta PVT X-Labs Inc. U Biełarusi jana viadomaja kala paŭtara hoda.
Štat naličvaje jak minimum niekalki socień čałaviek. Supracoŭniki nazyvali ličby ad 800 da 1000 čałaviek, a z ulikam rasijskaha ofisa — navat bolš; na staroncy Blockchain Sports u LinkedIn paznačany dyjapazon ad 1 tysiačy da 5 tysiač čałaviek.
Sudziačy pa sajcie, IT-hrupa maje štab-kvateru ŭ Dubai i try asnoŭnyja damieny — motasport, dryft, futboł. U listapadzie 2024 hoda jana pryvoziła ŭ Biełaruś akciora Cila Švajhiera.
Z pačatku hetaha hoda ŭ Blockchain Sports Ecosystem uźnikli prablemy z vypłataj zarpłat. Pa słovach supracoŭnikaŭ, heta źviazana z sychodam asnoŭnaha inviestara. Z-za adsutnaści hrošaj ludziej navat nie mohuć zvolnić: ich niama čym raźličyć.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?4
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary