Pošukava-vyratavalnaja apieracyja ŭ Litvie praciahvałasia ŭsiu noč: amierykanskija vajskoŭcy dahetul nie znojdzieny
Pošuki čatyroch amierykanskich vajskoŭcaŭ, jakija źnikli 25 sakavika na palihonie kala litoŭska-biełaruskaj miažy, padčas vučeńniaŭ u Litvie, praciahvajucca. U apieracyi ŭdzielničajuć jak vajskoŭcy ZŠA i Litvy, tak i supracoŭniki dziaržaŭnych i pryvatnych kampanij, piša «Vołna».
Hienieralny sakratar NATA Mark Rute, jaki znachodzicca ź vizitam u Varšavie, paviedamiŭ, što źnikłyja ŭ Litvie amierykanskija sałdaty zahinuli.
Adnak litoŭskija vajskoŭcy padkreślivajuć, što pakul niama nijakich dokazaŭ hibieli źnikłych bieź viestak.
«Na dadzieny momant niama paćvierdžanaj infarmacyi, niama ciełaŭ zahinułych sałdat, tamu kazać pra toje, što sałdaty zahinuli, prosta niapravilna», — zajaviła ŭviečary ŭ sieradu ministr nacyjanalnaj abarony Davile Šakalenie.
Kamientary