Pahrozy akružeńnia ŭkrainskich siłaŭ u Kurskaj vobłaści pakul niama — Syrski
Hałoŭnakamandujučy Uzbrojenymi siłami Ukrainy Alaksandr Syrski paviedamiŭ, što pahrozy akružeńnia ŭkrainskich padraździaleńniaŭ na terytoryi rasijskaj Kurskaj vobłaści na hety momant niama, a ciapier pryniata rašeńnie ab uzmacnieńni tam ukrainskaj prysutnaści.
«Šerahu nasielenych punktaŭ na linii miažy, nazvy jakich fihurujuć u relacyjach rasijskich prapahandystaŭ, užo faktyčna nie isnuje — jany razburanyja ahniavym uździejańniem ahresara.
Niahledziačy na pryciahnieńnie da nastupalnych dziejańniaŭ značnaj kolkaści rasijskich vojskaŭ, uzmocnienych paŭnočnakarejskaj piachotaj, vorah niasie značnyja straty ŭ žyvoj sile i technicy.
Tolki ŭ rajonie Plochava za čatyry dni bajoŭ vorah straciŭ faktyčna bataljon piachoty», — havorycca ŭ paviedamleńni Alaksandra Syrskaha.
Syrski adznačyŭ, što na miescy jon pryniaŭ rašeńnie ab uzmacnieńni ŭkrainskaj hrupoŭki nieabchodnymi siłami i srodkami, u pryvatnaści srodkami REB i bieśpiłotnikami.
«Ciapier pahrozy akružeńnia našych padraździaleńniaŭ u Kurskaj vobłaści niama. Padraździaleńni ažyćciaŭlajuć svoječasovyja mierapryjemstvy pa manieŭry na vyhadnyja rubiažy abarony», — padsumavaŭ hałoŭnakamandujučy USU.
U niadzielu aficyjnyja rasijskija krynicy zajavili, što armija Rasii ŭziała pad kantrol jašče try nasielenyja punkty ŭ Kurskaj vobłaści, jakija raniej byli zachoplenyja ŭkrainskimi vajskoŭcami. Napiaredadni Hienštab USU ŭśled za vajennymi błohierami i ŭkrainskimi ŚMI paviedamiŭ ab pravalnaj sprobie rasijskich šturmavych hrup uvajści ŭ horad Sudža pa hazapravodzie.
Prasoŭvańnie rasijskich vajskoŭcaŭ va Ukrainie praktyčna spyniłasia
«Trapili pad niachiłuju razdaču». Što ciapier adbyvajecca ŭ Kurskaj vobłaści?
«Samaja vialikaja prablema — maralny duch». Ukrainskija vajskoŭcy ŭžo adčuli adsutnaść amierykanskich raźvieddanych
«Ci adkažuć za tych, chto zadychnuŭsia?» Rasijskija vajenkary pišuć ab pravale šturmu Sudžy praz hazapravod
«Situacyju źmianili vajskoŭcy z KNDR». Što ciapier adbyvajecca ŭ Kurskaj vobłaści
USU paviedamlajuć pra źniščeńnie «vialikaj hrupy dyviersantaŭ» u tuneli
Rasijskija vojski pačali šturm Sudžy
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary
s odnoj storony chorošo.
no s druhoj vsia šajka orkov na tom napravlenii pojdut šturmovať v storonu Sum.kak i zadumyvałoś imi jeŝie v prošłom hodu.