U sacsietkach źjaŭlajucca kadry prajeznych častak biełaruskich daroh, litaralna absypanych žabami.
Koko.by źmiaściŭ u svaim telehram-kanale fota darohi, jakaja viadzie da sanatoryja «Junactva» na Minskim mory.
Heta šeryja žaby, jakija nierastujuć, patłumačyŭ u svaim telehram-kanale Prypiacki zapaviednik. I adbyvajecca hety akt kachańnia vielmi cikava.
Źvierchu, jak vieršnik, mocna ŭčapiŭšysia ŭ samku, siadzić samiec. Jon jašče ź pieršymi ciopłymi soniečnymi pramianiami čakaje na bierazie vadajoma svaju samuju bujnuju siabroŭku. I čym samka bujniejšaja, tym lepš. Samiec chapaje vybrańnicu ŭ mocnyja abdymki i nie vypuskaje sa svaich łap, pakul jana nie adkładzie ikru.
Abdymki stymulujuć paśpiavańnie ikry i jaje svoječasovy vychad, a kab samka nie vyśliznuła, samiec z usich sił uciskaje ŭ jaje baki kiści, na jakich jość šlubnyja mazali — šurpatyja ŭčastki skury.
Dla apładnieńnia samcu dastatkova pakryć siemiem ikru, bo ŭ žab adbyvajecca źniešniaje apładnieńnie.
Byvaje, što samcy nie chočuć sastupać samku adzin adnamu, i joj davodzicca ciahnuć na sabie dvuch «kavaleraŭ». Ale samy dužy chutka raspraŭlajecca z kankurentam.
Kamientary
chto? što? žába
mn. žáby
Rodny
kaho? čaho? žáby
mn. žáb
Davalny
kamu? čamu? žábie
mn. žábam
Vinavalny
kaho? što? žábu
mn. žáb
Tvorny
kim? čym? žábaj, žábaju
mn. žábami
Miesny
u kim? u čym? žábie
mn. žábach