Stała viadoma imia biełaruskaha dypłamata ŭ Čechii, jaki moh mieć dačynieńnie da špijonskaj sietki
Pavodle infarmacyi «Radyjo Svaboda», hetym dypłamatam moža być Mikałaj Dukšta, jaki, pavodle češskich źviestak, zajmaje ŭ biełaruskaj ambasadzie ŭ Prazie pasadu daradcy i zajmajecca administracyjnymi spravami.
Pra vykryćcio sietki biełaruskich śpiecsłužbaŭ, jakaja dziejničała ŭ Jeŭropie, češskija siłavyja struktury paviedamili viečaram paniadziełka 8 vieraśnia. Tady ž stała viadoma pra zatrymańnie ŭ Rumynii byłoha namieśnika kiraŭnika Słužby raźviedki i biaśpieki Małdovy 47-hadovaha Alaksandra Bałana. Jaho abvinavačvajuć u špijanažy na karyść Biełarusi i zdradzie dziaržavie šlacham pieradačy infarmacyi, jakaja składaje dziaržaŭnuju tajnu.
Pavodle infarmacyi śpiecsłužbaŭ Čechii, dačynieńnie da spravy maje «biełaruski raźviedčyk, jaki pracavaŭ u Čechii pad prykryćciom dypłamata». Tak havorycca ŭ aficyjnym paviedamleńni Słužby biaśpieki i infarmacyi Čechii.
«My raskryli biełaruskuju raźviedvalnuju sietku ŭ Jeŭropie! Słužba raźviedki i biaśpieki sumiesna sa śpiecsłužbami Rumynii i Vienhryi paśpiachova ŭmiašałasia i raskryła biełaruskuju raźviedvalnuju sietku, vybudavanuju ŭ Jeŭropie. U suviazi z hetaj mižnarodnaj apieracyjaj pryniata rašeńnie ab vysyłcy biełaruskaha raźviedčyka, jaki pracavaŭ u Čechii pad prykryćciom dypłamata», — piša češskaja śpiecsłužba ŭ sacsietcy X.
Na zapyt «Radyjo Svaboda» pradstaŭnik Słužby biaśpieki i infarmacyi Čechii (BIS) adkazaŭ, što publikacyja dadatkovaj infarmacyi pa spravie moža paškodzić rasśledavańniu, jakoje praciahvajecca.
Pavodle infarmacyi «Radyjo Svaboda» z dypłamatyčnych krynic, havorka moža iści pra supracoŭnika ambasady Biełarusi ŭ Prazie Mikałaja Dukštu. Prynamsi z 2024 hoda jon zajmaje tam pasadu daradcy i zajmajecca administracyjnymi pytańniami.
Imia Mikałaja Dukšty aficyjna apublikavana siarod śpisu supracoŭnikaŭ biełaruskaj ambasady ŭ Prazie, jaki raźmieščany na sajcie MZS Čechii.
Na telefanavańni «Svabody» ŭ ambasadzie Biełarusi ŭ Čechii ŭ aŭtorak 9 vieraśnia nie adkazali.
Pavodle bazy danych arhanizacyi byłych biełaruskich siłavikoŭ BelPol, u Biełarusi jość try čałavieki ź imiem Mikałaj Dukšta.
«Nichto ź ich, pavodle našych danych, nie maje paznaki ab suviazi z dypłamatyčnaj słužbaj albo niečym takim, — kaža «Svabodzie» pradstaŭnik BelPol Uładzimir Žyhar. — Ja taksama pravieryŭ hetych ludziej na najaŭnaść pašpartoŭ prykryćcia. Jany ich nie majuć».
Pa słovach Uładzimira Žyhara, u dasiažnaj BelPol bazie danych jość źviestki pra ŭsich hramadzian Biełarusi, a taksama pra hramadzian inšych krain, jakija majuć dazvoł na žycharstva ŭ Biełarusi.
«Pytańnie ŭ inšym, — dadaje Žyhar. — Mahčyma, čałaviek z takimi danymi — heta lehiendavanaja asoba. I jaho sapraŭdnyja inicyjały, imia i proźvišča inšyja. A pašpart prykryćcia byŭ zrobleny nie tak daŭno. Tady ŭ našaj bazie moža nie być takich źviestak».
Adzin z najaŭnych u bazie ludziej ź imieniem Mikałaj Dukšta maje prafiesiju budaŭnika, pracavaŭ u adnym z hrodzienskich budaŭničych upraŭleńniaŭ, na «Kieraminie» i ŭ «Biełmytservisie».
«Paśla 2011 hoda pra hetaha čałavieka niama nijakich źviestak, — dadaje Žyhar. — U nas niama nijakich danych, što jon pracavaŭ na dypłamatyčnaj słužbie albo ŭ siłavych strukturach».
Pavodle paviedamleńniaŭ ab vykryćci biełaruskaj špijonskaj sietki, dačynieńnie da jaje taksama moža mieć demakratyčny aktyvist, jaki da niadaŭniaha času pracavaŭ taksistam u adnym z pamiežnych polskich haradoŭ. Jaho imia pakul nieviadoma.
U vykrytuju ŭ Jeŭropie špijonskuju sietku ŭvachodziŭ taksist-biełarus z Polščy
U Jeŭropie vykryli biełaruskuju špijonskuju sietku. Aryštavali byłoha kiraŭnika małdaŭskaj kontrraźviedki
Stała viadoma imia byłoha małdaŭskaha śpiecsłužbista, jakoha zatrymali za špijanaž na karyść Biełarusi
Čechija vysyłaje biełaruskaha dypłamata za špijanaž
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami23
Kamientary