Natalla Ejsmant zajaviła, što Łukašenka hetym razam nie abražaŭ Zialenskaha, a prosta ŭzhadvaŭ, jak abražaŭ raniej. Prahučaŭ i jašče šerah zajaŭ.
Alaksandr Łukašenka ŭ intervju rasijskaj prapahandystcy Volzie Skabiejevaj druhi raz nazvaŭ prezidenta Ukrainy Uładzimira Zialenskaha hnidaj.
U adkaz MZS Ukrainy uzhadaŭ pra «tarakana». Śpikier ministerstva Hieorhij Cichi, adreahavaŭšy na navinu ŭ tvitary «Našaj Nivy», napisaŭ:
«Abrazy na adras kiraŭnika ŭkrainskaj dziaržavy niedapuščalnyja, asabliva z boku saŭdzielnika złačynstva ahresii suprać Ukrainy.
Zrešty, pierachod u śfieru entamałohii dakładna nie pojdzie na karyść tarakanu».
Na tarakana ŭ Pałacy niezaležnaści nie mahli nie adkazać. Heta zrabiŭ telehram-kanał «Puł pieršaha», jaki źviazany z pres-sakratarkaj Łukašenki Natallaj Ejsmant.
«Pieršy (tak dziaržSMI nazyvajuć Łukašenku. — Zaŭv.) davaŭ intervju Volzie Skabiejevaj. Pytańnie zadali — jon na jaho adkazaŭ.
I paniesłasia. Zadańnie śpikieru Cichamu — cichieńka na svajoj staroncy ŭ Ch nakremzać pra tarakana.
Nu ale dobra, my pamiatajem, jakimi słovami aficyjny Kijeŭ nazyvaŭ našaha prezidenta. I prezidentam to była kamanda nie nazyvać. Ale Łukašenku pakryŭdzić składana. U adroźnieńnie ad zapalčyvaha Zialenskaha», — havorycca ŭ paviedamleńni, jakoje źjaviłasia, vidać, nie z-za kryŭdy.
A dalej «Puł pieršaha» pryvodzić poŭnuju cytatu Łukašenki: «Nu, jon Vałodzia, jak syn mnie byŭ. Ale zrabiŭ jak hnida. Jak jaho nazvać? Ja tady tak i nazyvaŭ. Heta, napeŭna, niepryhoža z majho boku, ale dakładna było. Tak nielha rabić».
To-bok, na dumku pres-słužby palityka, Łukašenka hetym razam nie abražaŭ Zialenskaha, a prosta ŭzhadaŭ, jak jon abražaŭ jaho raniej.
Na zakančeńnie kanał, jaki ŭvohule nibyta nie pakryŭdziŭsia na vykazvańnie pra tarakana, vyrašyŭ uspomnić adzin z narodnych miemaŭ.
Kaliści Łukašenka zajaviŭ, što nie trymajecca sinimi palcami za prezidenckaje kresła. Ciapier pres-sakratarka palityka, jaki kiruje ŭžo 30 hadoŭ, vyrašyła ŭžyć hetuju frazu da Zialenskaha — jon va ŭładzie z 2019 hoda i pieranios vybary z-za vajny.
«A ŭvohule kažučy, i praŭda, pasłuchaŭ by Uładzimir Alaksandravič, hladziš, pa-inšamu skłaŭsia b los. A ciapier davodzicca sinimi palcami za prezidenctva, jakoje vyślizhvaje, trymacca», — napisaŭ «Puł pieršaha».
Łukašenka pra Zialenskaha: Vałodzia jak syn mnie byŭ, ale pastupiŭ jak hnida
«Nie pojdzie na karyść prusaku». MZS Ukrainy adreahavaŭ na słovy Łukašenki pra Zialenskaha
Ad «hnidy» da «Uładzimira Alaksandraviča». Łukašenka znoŭ zapavažaŭ Zialenskaha
«Ni z hnidaj, ni z Vałodziem ja nie razmaŭlaju». Łukašenka raskazaŭ pra pieramovy z Ukrainaj
Łukašenka nazvaŭ Zialenskaha «hnidaj», a «Bajpoł» — «mudakami»
Ciapier čytajuć
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary
[Zredahavana]