U «Minsk-Śviecie» vyrašyli pytańnie z apłataj za šyldy na damach
U TAA «Chepi Płaniet», jakoje absłuhoŭvaje damy kompleksu «Minsk-Śviet», raskazali, što majuć namier unosić płatu ŭ haradski biudžet za raźmiaščeńnie srodkaŭ źniešniaj rekłamy na žyłych damach. Havorka idzie pra šyldy ź piersanalnymi nazvami — naprykład, «Afiny», «San-Francyska», «Bora-Bora». Pra heta paviedamili ŭ kampanii, piša Office Life.
U paviedamleńni adznačajecca, što da rekłamnych kanstrukcyj, na dumku dziaržorhanaŭ, adnosiacca raźmieščanyja na damach kompleksu šyldy rekłamnaha charaktaru i inšyja vonkavyja kanstrukcyi, u tym liku z nazvami damoŭ i kvartałaŭ. Pra heta paviedamlałasia raniej.
U suviazi z hetym u TAA «Chepi Płaniet» anansavali, što praviaduć ahulnyja schody ŭdzielnikaŭ sumiesnych domaŭładańniaŭ u kožnym domie z vyniasieńniem na hałasavańnie pytańniaŭ ab demantažy takich kanstrukcyj albo atrymańni dazvołu Minharvykankama na raźmiaščeńnie srodkaŭ źniešniaj rekłamy.
«Nazvanyja kanstrukcyi praduhledžanyja prajektnaj dakumientacyjaj žyłych damoŭ, zaćvierdžanaj va ŭstanoŭlenym zakanadaŭstvam paradku, u ramkach realizacyi kancepcyi kompleksu, dzie kožny žyły kvartał i dom u im suadniesieny z peŭnaj hieahrafičnaj miascovaściu (albo tematykaj) i maje svaju važnuju i asablivuju identyčnaść», — zajavili ŭ kampanii.
U vyniku ŭ TAA «Chepi Płaniet» raskazali, što pryniali da ŭvahi mierkavańni žycharoŭ kompleksu: takija šyldy važnyja jak srodki navihacyi, nieabchodnaści aryjentavańnia ŭ kompleksie i zachavańnia estetyčnaha abličča damoŭ. Tamu
«kiraŭničaj arhanizacyjaj pryniata rašeńnie ab zachavańni nazvanych kanstrukcyj i afarmleńni na ich pašpartoŭ srodkaŭ źniešniaj rekłamy (uklučajučy štohadovaje padaŭžeńnie), a taksama ŭniasieńni płaty ŭ biudžet za pradastaŭleńnie prava na vykarystańnie haradskoha asiarodździa ŭ rekłamnych metach (za ich raźmiaščeńnie) za košt ułasnych srodkaŭ kiraŭničaj arhanizacyi, bieź źbirańnia płaty z žycharoŭ damoŭ, jakija znachodziacca pad kiravańniem TAA «Chepi Płaniet», — skazana ŭ zajavie.
Kožnaja šylda — rekłama. Kolki daviadziecca žycharam «Minsk-Śvietu» płacić za «Piekin», «Polku» i inšyja nazvy?
U žycharoŭ «Minsk-Śvieta» dyjahnastavali liftafobiju. U adnym z damoŭ tvoracca vielmi dziŭnyja rečy
«Ja strašenna złaja». Maładaja maci ŭ šoku ad infrastruktury ŭ «Minsk-Śviecie»
Dośvied Maskvy. Što abvieščanaja renavacyja moža prynieści haradam Biełarusi
Kamientary