U Klimavickim rajonie zahubili 15 ton «Baćki». Za heta pakarali čatyroch kiraŭnikoŭ.
Prakuratura vyrašyła pravieryć haspadarki Klimavickaha rajona i znajšła parušeńni.
U adnoj z haspadarak Klimavickaha rajona sapsavałasia 15 ton jačmieniu hatunku «Baćka». Kiraŭnik pradpryjemstva, jaho namieśnik, hałoŭny ahranom i zahadčyk składam nie zabiaśpiečyli kantrol za jakaściu i zachavanaściu jačmieniu, a taksama parušyli technałohiju zachoŭvańnia.
Za psavańnie «Baćki» čatyrom kiraŭnikam daviadziecca zapłacić svajmu pradpryjemstvu 10 tysiač rubloŭ — tak vyrašyŭ sud.
Tolki za miesiac prakuratura rajona vyjaviła try vypadki psavańnia zbožža, a taksama realizacyju zbožža pa canie nižej koštu nabyćcia. Prakuror daručyŭ milicyi pravieści pravierki.
Akramia taho, prakuratura rajona padała ŭ sud try iski ab spahnańni ź vinavatych asob škody, pryčynienaj sielhaspradpryjemstvam psavańniem zbožža, i adnu iskavuju zajavu pa fakcie realizacyi zbožža pa canie nižejšaj za košt nabyćcia.
Sud pazovy zadavoliŭ, ź vinavatych spahnana bolš za 31 tysiaču rubloŭ.
Ciapier čytajuć
«Mielnikava pazyčała hrošy aktyvistam u Varšavie i nie prasiła viarnuć»5
Kamientary