U Biełarusi ŭniesieny karekciroŭki ŭ sistemu cenavaha rehulavańnia pa niekatorych tavarach. Zroblena heta pastanovaj Savieta Ministraŭ ad 16 krasavika 2025 hoda № 713 (7).
Dakumientam, pa-pieršaje, pavyšany hraničnyja maksimalnyja adpusknyja i roźničnyja (aptovyja) ceny na bulbu śviežuju charčovuju, akramia mytaj, kapustu biełakačannuju śviežuju, akramia rańniaj, i cybulu repčatuju, akramia čyrvonaj i biełaj, jakija buduć dziejničać da 15 maja 2025 hoda.
Kali raniej dla bulby hraničnaja adpusknaja cana (biez PDV) u krasaviku składała 0,76 rubla, u mai — 0,8 rubla, to ciapier jana budzie ŭ krasaviku i pa 15 maja — 1,0 rubla.
Dla kapusty ličby padnimucca z 0,93 rubla i 1,14 rubla da 1,2 rubla adpaviedna, dla cybuli — z 1,28 rubla i 1,39 rubla da 1,5 rubla adpaviedna.
Kali raniej dla bulby hraničnaja roźničnaja cana (z PDV) u krasaviku składała 1,11 rubla, u mai — 1,16 rubla, to ciapier jana budzie ŭ krasaviku i pa 15 maja — 1,5 rubla.
Dla kapusty ličby vyrastuć z 1,47 rubla i 1,8 rubla da 1,8 rubla adpaviedna, dla cybuli — z 1,88 rubla i 2,04 rubla da 2,25 rubla adpaviedna.
Dakumientam, pa-druhoje, pavialičana hraničnaja maksimalnaja aptovaja, handlovaja nadbaŭka (z ulikam aptovaj) na vyrablenyja ŭ Biełarusi zapčastki da lehkavych aŭtamabilaŭ — z 35 pracentaŭ da 45 pracentaŭ.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary