«Niama popytu na daškolnuju hrupu». Što budzie z sadkom pry biełaruskamoŭnaj himnazii ŭ Vilni
Baćki chvalujucca, što ź vieraśnia nie budzie pracavać sadok pry Skarynaŭskaj himnazii ŭ Vilni.
Situacyja atrymałasia składanaja. Z adnaho boku, achvotnych trapić u Skarynaŭskuju himnaziju ŭ Vilni (adzinuju ŭ Litvie, dzie navučańnie viadziecca na biełaruskaj movie) tak šmat, što letaś kala 50 dziaciej, jakija chacieli vučycca tam, atrymali admovy. Sioleta źjavilisia dobryja naviny: u nastupnym navučalnym hodzie płanujucca dva 5-ja kłasy i źjavicca 10—15 miescaŭ dadatkova.
Ź inšaha — baćki abmiarkoŭvajuć, što, mahčyma, nie budzie sadka pry himnazii.
«Naša Niva» źviarnułasia ŭ navučalnuju ŭstanovu pa kamientaryj.
Tam rastłumačyli, što na nastupny navučalny hod niama popytu na daškolnuju hrupu (havorka idzie pra dziaciej 4-5 hadoŭ), tamu ŭ himnazii budzie pracavać adna hrupa — padrychtoŭki da škoły (tam zajmajucca dzieci ŭzrostu 5-6 hadoŭ).
Vyzvalenyja pamiaškańni vykarystajuć pad dadatkovyja kabiniety dla staršakłaśnikaŭ: novyja kłasy niemahčyma było adkryć, bo dla ich brakavała kabinietaŭ.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
[Zredahavana]