24 studzienia, za dzień da prezidenckich vybaraŭ, vyzvalili 8 palitviaźniaŭ. Z taho času pra pamiłavańni ničoha nie čuvać. Ci praciahnucca jany?
Raniejšaja schiema była takaja: u kałonii pryjazdžali pradstaŭniki ŭłady (zvyčajna prakurory), jakija rabili prapanovu palitviaźniam z zahadzia sfarmulavanaha śpisu — napisać prašeńnie ab pamiłavańni. Chto pahadžaŭsia, toj u bolšaści vypadkaŭ nieŭzabavie vychodziŭ na svabodu. Kali chto admaŭlaŭsia pisać prašeńnie, to jaho «kvota» pieradavałasia niejkamu nastupnamu palitviaźniu ŭ kałonii.
«Naša Niva» źviazałasia z byłymi źniavolenymi, jakija ŭžo paśla studzienia 2025 hoda adbyvali pakarańnie ŭ kałonijach u Mahilovie (№15) i pad Ivacevičami (№22). Pavodle ich słoŭ, u apošnija paru miesiacaŭ ni ŭ adnoj, ni ŭ druhoj kałonii nie viałasia padrychtoŭka da pamiłavańniaŭ.
Takim čynam, vyhladaje, što paśla vybaraŭ spynilisia nie tolki sami pamiłavańni, ale i ŭnutranyja pracesy, źviazanyja z padrychtoŭkaj nastupnych hrup.
Pry hetym dakładna viadoma, što jašče zastalisia palitviaźni, chto pa prapanovie ŭładaŭ napisaŭ dakumienty na pamiłavańnie jašče da daty vybaraŭ i ciapier čakaje rašeńnia pa svajoj situacyi.
Pamiłavańni pačalisia ŭ lipieni 2024-ha i prajšli ŭ niekalki chvalaŭ. Z taho času pa studzień 2025-ha na svabodu vyjšli pa pamiłavańniach 258 palitviaźniaŭ.
«Naša Niva» — bastyjon biełaruščyny
PADTRYMAĆ«Skazali: Ejsmant na ciabie vielmi zły». Ksienija Łuckina — pra padziei na BT u 2020-m, kałoniju i ciažkuju chvarobu
«Nastupili na ruku i złamali try palcy, bili elektrošokieram u pach» — eks-palitviazień z supołki «Sajuz biełaruskaha nacyjanalnaha ščyta»
Pamiłavany eks-palitviazień Arciom Bajarski znajšoŭ pracu i płanuje adnavicca na chimfaku BDU
Kamientary
Patrabavańni łuki nierealistyčnyja.
Nie chapaj ludiej u turmy, tady ciabie budut słuchać, i tady nie budzie treba davać sihnały.
I hrošyki Maskvie płacić.