U Maskoŭskim rajonie dobraŭparadkujuć jašče adnu zonu adpačynku. «Sad vieršaŭ» źjavicca ŭ miežach vulic Alibiehava, Sapiehi, Bryla i pr. Dziaržynskaha, piša «Minsk-Naviny».
Realizacyja prajekta «Sad vieršaŭ» pačniecca sioleta. Za dva hady 43 hiektary nieŭładkavanaj terytoryi płanujuć pryvieści ŭ naležny vyhlad u adpaviednaści z prajektnymi rašeńniami maładoha architektara.
— Da vykanańnia pieršych rabot pa prajekcie prystupim užo ŭ druhim kvartale. Heta buduć uvachodnaja hrupa, piešachodnyja suviazi, ustalavańnie infarmacyjnych stendaŭ, tamu što «Sad vieršaŭ» praduhledžvaje dadatkovaje infarmacyjnaje napaŭnieńnie pra našych biełaruskich piśmieńnikaŭ. Da Dnia Niezaležnaści minčanie ŭžo zmohuć naviedvać peŭnuju častku zony adpačynku, — raspaviali ŭ administracyi.
Uładalnikam Hran-pry haradskoha konkursu moładzievych inicyjatyŭ «Minskaja źmiena — 2024» staŭ Uładzisłaŭ Kaškoŭski. Jon pracuje technikam-prajekciroŭščykam u «Minskprajekcie». Prajekt pa dobraŭparadkavańni zialonaj zony chłopiec vystaviŭ na konkurs jašče ŭ 2023-m. Praz hod jon pradstaviŭ dapracavany «Sad vieršaŭ», u jakim uličyŭ pažadańni śpiecyjalistaŭ — i pieramoh.
Realizoŭvać prajekt buduć na ŭčastku terytoryi, abmiežavanaj vulicami Alibiehava, Ł. Sapiehi, Ja. Bryla i praśpiektam Dziaržynskaha. Dobraŭparadkavać jaje — zadača sa zoračkaj, bo na łakacyi sa składanym reljefam u dadatak raźmieščany linii elektrapieradačy, prachodziać vodanapornyja sietki i praciakaje ručaj Myška. «Sad vieršaŭ» budzie ŭklučać aleju vieršaŭ, zony cichaha adpačynku, spartyŭnyja i dziciačyja placoŭki. Asablivuju ŭvahu nadaduć stvareńniu biezbarjernaha asiarodździa, kab abjekt mahli naviedvać małamabilnyja ludzi.
Ciapier čytajuć
«Heta maja mara ź dziacinstva». Na kastynh «Mis Biełaruś» pryjšła dziaŭčyna, jakaja pracuje ŭ turmie Mahilova38
Kamientary