Praŭładny analityk, jaki słužyŭ u rasijskaj vajskovaj raźviedcy: U mianie dača litaralna za 5 km ad Suvałkaŭskaha kalidora
Pastajanny ŭdzielnik «Kłuba redaktaraŭ» na BT analityk Alaksiej Aŭdonin navioŭ strachu na prysutnych, raskazaŭšy pra ahresiŭnyja namiery Polščy.
Vystupajučy ŭ čarhovym efiry «Kłuba redaktaraŭ», Alaksiej Aŭdonin raskazaŭ pra płany Polščy pašyryć Suvałkaŭski kalidor na 133 kiłamietry da Iŭja — kab zabłakiravać Kalininhradskuju vobłaść i ŭ dalejšym usio Bałtyjskaje mora, nie dać vychadu Bałtyjskamu fłotu ŭ mora i potym «dalej bambić Kranštat». Pry hetym Polšču, pa słovach analityka, padtrymlivajuć ZŠA.
U jakaści paćviardžeńnia hetaj viersii jon pryvioŭ prykład vučeńniaŭ NATA:
«Pahladzicie pa videa, jakaja ahramadnaja kolkaść amierykancaŭ. Što jany tam robiać u hetym Suvałkaŭskim kalidory? Zrazumieła, što jany adpracoŭvajuć miechanizmy jaho pašyreńnia. Vyvučajuć miascovaść».
U svaich razvahach Aŭdonin pajšoŭ jašče dalej, pačaŭ raskazvać, što tema pašyreńnia Suvałkaŭskaha kalidora pastajanna abmiarkoŭvajecca ŭ polskich ŚMI, i niečakana pryznaŭsia, što ŭ jaho na pamiežžy jość dača:
«U mianie dača litaralna za piać kiłamietraŭ ad Suvałkaŭskaha kalidora. Tam pastajanna, słuchajcie, uklučaješ radyjo — dahetul pastajanna idzie polskaje radyjo, viaščaje, — i tema tolki adna».
Alaksiej Aŭdonin naradziŭsia ŭ Hrodnie ŭ, jak jon sam nieadnojčy adznačaŭ, siamji vieterana Vialikaj Ajčynnaj vajny. Baćku, uradžencu Maskvy, na momant naradžeńnia syna było 57 hadoŭ.
Aŭdonin pazicyjanuje siabie jak mahistra ekanamičnych navuk, ekśpierta Biełaruskaha instytuta stratehičnych daśledavańniaŭ. Akramia Biełaruskaha ekanamičnaha ŭniviersiteta, mužčyna vučyŭsia na vajennaha pierakładčyka ŭ Linhvistyčnym univiersitecie. Aŭdonin raniej pryznavaŭsia, što słužyŭ u vajennaj raźviedcy Hałoŭnaha ŭpraŭleńnia Hienštabu Rasii (HRU). U svajoj aficyjnaj bijahrafii zhadvaje navučańnie ŭ Vienhryi i Šviejcaryi.
Pra toje, što Polšča sumiesna z Vašynhtonam i Łondanam rychtuje vajnu na terytoryi Biełarusi, Aŭdonin havaryŭ jašče vosieńniu 2022 hoda.
Kamientary