Cichanoŭskaja patłumačyła, čamu nie kamientuje źniknieńnie Anžaliki Mielnikavaj
Demakratyčnaja lidarka Śviatłana Cichanoŭskaja zapisała karotkaje videa, u jakim patłumačyła, čamu jaje hołasu paśla źniknieńnia Anžaliki Mielnikavaj amal nie čuvać.
«Reč u tym, što na hety momant pakul niama dakładnaj infarmacyi, kab rabić vysnovy pra jaje miescaznachodžańnie ci što ź joj zdaryłasia. Viadoma, my ŭsie pieražyvajem i niepakoimsia, ale ŭ takich abstavinach ja nie chacieła b śpiekulavać na hetu temu. Ciapier rasśledavańniem zajmajucca polskaja palicyja i prakuratura. Ja ŭdziačnaja ŭsim, chto robić namahańni pa pošuku Anžaliki», — zajaviła Śviatłana Cichanoŭskaja.
Akramia taho, jana vykazała słovy padtrymki ŭsim siabram Kaardynacyjnaj rady i zaklikała nie zabyvacca pra miery biaśpieki, praciahvajučy bierahčy i padtrymlivać adzin adnaho.
Pra źniknieńnie śpikierki Kaardynacyjnaj rady Anžaliki Mielnikavaj jaje kalehi paviedamili ŭviečary 28 sakavika. U zajavie Paŭła Łatuški havaryłasia, što suviaź adsutničaje z 25 sakavika, adnak havorka idzie pra anłajn-kamunikacyju. Nasamreč Mielnikavu ŭžyvuju nie bačyli ŭžo daŭnym-daŭno. Paźniej stała viadoma, što Anžalika Mielnikava pakinuła terytoryju Jeŭrasajuza 26 lutaha, a jaje były muž źjechaŭ z Polščy ŭ Biełaruś 3 sakavika.
7 krasavika žurnalistam «Lusterka» ŭdałosia parazmaŭlać z byłym mužam Anžaliki Mielnikavaj, jaki paćvierdziŭ, što znachodzicca ŭ Biełarusi, a dzieci — pry im. Baćki Mielnikavaj u razmovie z žurnalistam «Jeŭraradyjo» taksama paćvierdzili, što dzieci znachodziacca ŭ Biełarusi, a pra miescaznachodžańnie samoj Anžaliki jany sami ničoha nie viedajuć i tryvožacca.
Susied Mielnikavaj: Niekalki tydniaŭ tamu niejki mužčyna vynosiŭ z kvatery sabranyja rečy
Brytanskaja palicyja nie pravodzić rasśledavańnia ŭ suviazi sa źniknieńniem Anžaliki Mielnikavaj
Kalehi Anžaliki Mielnikavaj raskazali pra apošnija razmovy ź joj
U suviazi sa źniknieńniem Mielnikavaj polskaja palicyja praviaraje pahrozy na adras Łatuški
Maci Anžaliki Mielnikavaj: «Unukam kažu, što jana ŭ kamandziroŭcy»
«Dzieci sa mnoj». Žurnalisty dazvanilisia da byłoha muža Anžaliki Mielnikavaj i spytali, dzie moža być śpikierka KR
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary
Chutka, šmat chutčej čym padajecca lubyja kamientary Cichanoŭskaj buduć usprymacca adnolkava jak kamientary Šareckaha, Paźniaka, Milinkieviča, i inšych has beens (h.zn. "lidaraŭ" minułych časoŭ).