Juryj Čyž zarehistravaŭ u Rasii novuju inviestkampaniju. Staryja prynosiać jamu tolki straty
Viadomy biełaruski biznesmien Juryj Čyž, jaki niekali byŭ vielmi blizki da Łukašenki, ale paśla trapiŭ u apału, zarehistravaŭ u minułym miesiacy ŭ Maskvie novuju kampaniju — «Bierč Inviestmients», zaŭvažyła vydańnie «Biełorusy i rynok».
Vidam dziejnaści «Bierč Inviestmients» źjaŭlajecca «dziejnaść chołdynhavych kampanij», a kiraŭnikom hetaj firmy paznačany Ivan Marozaŭ. Hetaja ž asoba pradstaŭlaje intaresy Čyža ŭ sudovych pracesach z kiraŭnictvam i akcyjanierami hielendžykskaha małočnaha zavoda «Mora».
Pracesy hetyja, darečy, iduć nie na karyść Juryja Čyža, jaki źjaŭlajecca ŭładalnikam 38,33% akcyj pradpryjemstva. Bolšaść jahonych pazovaŭ (pa źmienie statuta, padačy finansavaj spravazdačnaści i h. d.) było adchilena. Adziny pazoŭ, jakomu byŭ dadzieny chod — toj, u jakim biznesmien damahajecca pryznańnia niesapraŭdnaści ździełki pa prodažy niejkaj Irynaj Masołavoj svaich 12,8% akcyj pradpryjemstvu. Ale i tut pieršasnaja i apielacyjnaja instancyi stali nie na jahony bok.
U hetym miesiacy Čyž pasprabuje pierahledzieć rašeńnie suda ŭ akruhovym apielacyjnym sudzie. Vyručka kampanii «Mora», jakaja vyjšła ŭ 2023 hodzie z bankructva, letaś skłała 3,3 miljona rasiejskich rubloŭ. Pry hetym vyraśli jaje straty. Taksama z pavialičanymi stratami skončyła 2024 hod jašče adna kampanija Čyža — «THM Majninh».
U Rasii ŭ Juryja Čyža jość jašče firma «Vivajt» (u 2024 hodzie nie pracavała) i 0,5% dola ŭ kampanii «Biełaz-Pamorje». Apošniaja zajmajecca padrychtoŭkaj učastkaŭ da raspracoŭki i zdabyčy karysnych vykapniaŭ i kantralujecca adnym ź jaho synoŭ Juryja Čyža Uładzimiram, ź jakim biznesoviec taksama sudzicca. Zrešty, i i «Biełaz-Pamorje» pa vynikach 2024 hoda mieła straty.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała8
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2626
Kamientary