Heta pieśnia na baškirskaj movie zavirusiłasia ŭ śviecie. Ale i vyklikała dyskusiju va Ukrainie

Trek «Homay» baškirskaha hurta Ay Yola vyjšaŭ 14 sakavika i sabraŭ miljony prasłuchoŭvańniaŭ. Jon chutka ŭvarvaŭsia ŭ muzyčnyja čarty: uvajšoŭ u top-10 u Rasii, top-5 va Uźbiekistanie i Azierbajdžanie, zaniaŭ pieršaje miesca ŭ Kazachstanie i atrymaŭ šyrokuju papularnaść u Turcyi i šerahu jeŭrapiejskich krain.

Pieśnia padniałasia ŭ top-5 suśvietnaha rejtynhu Shazam, abahnaŭšy kampazicyju Łedzi Hahi «Abracadabra». U TikTok štodnia źjaŭlajecca mnostva rolikaŭ pad hety trek na baškirskaj movie.

Va Ukrainie «Homay» niečakana zaniaŭ pieršaje miesca pa prasłuchoŭvańniach u Apple Music, što vyklikała haračyja abmierkavańni ŭ sacsietkach.

Pavialičyć

Što za hurt

Hurt Ay Yola byŭ stvorany ŭ 2024 hodzie. Nazva pierakładajecca jak «Zakony suśvietu» abo «Kodeks śvietabudovy». U jaho składzie try ŭdzielniki. Zasnavalnik kalektyvu Rusłan Šajchitdzinaŭ, a vakalistka — jaho dačka Adel. Da stvareńnia Ay Yola jana razam z baćkam pracavała ŭ prajekcie Musume, dzie vykonvała pieśni na ruskaj i anhlijskaj movach. U 2019 hodzie abodva ŭdzielničali ŭ šou «Pieśni» na TNT.

Treci ŭdzielnik — zasłužany artyst Baškartastana multyinstrumientalist Rynat Ramazanaŭ. Jon ihraje na kurai (doŭhaj flejcie) i vykonvaje častku vakalnych partyj.

Pra što pieśnia

Na praciahu 10 miesiacaŭ hurt pracavaŭ nad albomam «Urał-Batyr», natchnionym adnajmiennym baškirskim epasam. Relizy vychodzili pastupova, jak epizody sieryjała. Pieršy trek, «Batyr» («Vołat»), źjaviŭsia 21 lutaha. «Homay» — druhaja kampazicyja alboma, i mienavita jana stała virusnaj. Treciaja pieśnia, «Ugez» («Byk»), vyjšła 4 krasavika.

Pieśnia «Homay» raspaviadaje pra hierainiu epasu — dziaŭčynu Chumaj, jakaja moža pieratvaracca ŭ lebiedzia. Jana — dačka sonca i ŭładara niabiesnych ptušak Samrau, zachavalnica čaroŭnaha miača i kania Akbuzata, paśla — paplečnica i žonka vołata Urała.

Mienavita Chumaj doryć Urału mieč i kania, pakazvaje šlach da krynicy žyvoj vady. U finale epasu Urał, śmiarotna paranieny, znachodzić krynicu, ale admaŭlajecca pić i achviaruje jaje dziela vyratavańnia čałaviectva. Paśla jaho śmierci Chumaj pieratvarajecca ŭ lebiedzia nazaŭždy.

U pieśni Chumaj adlustroŭvajecca jak ptuška ščaścia, jakaja nie biare šlub z čužyncami i zastajecca viernaj tradycyjam svajoj ziamli. U tekście pravodzicca paralel pamiž Chumaj i sučasnymi baškirskimi dziaŭčatami, jakich nazyvajuć «zoračkami Chumaj». U falkłory jana ličycca zastupnicaj žančyn i dziaciej.

Čamu pieśnia stała takoj papularnaj — pytańnie adkrytaje. Niekatoryja ekśpierty miarkujuć, što adyhrali rolu ałharytmy stryminhavych płatform. Inšyja — što pryčyna va ŭniviersalnaści vobrazu hieraini epasu, jaki ŭ roznych interpretacyjach isnuje ŭ iranskaj i arabskaj mifałohii, a taksama ŭ arabizavanaj mifałohii narodaŭ Siaredniaj Azii. Najbolš viadomy vobraz — ptuška-fieniks.

Vakoł čaho dyskusija

Źjaŭleńnie pieśni na viaršyni ŭkrainskaha čarta Apple Music vyklikała burnuju reakcyju ŭ sacsietkach.

Asabliva — paśla taho, jak stała viadoma, što ŭdzielnik hurta Rynat Ramazanaŭ źbiraŭ srodki dla patreb rasijskaj armii, a jaho brat ź listapada 2023 hoda prymaje ŭdzieł u vajnie suprać Ukrainy.

Cikava, što rasijskija Z-błohiery i šavinisty raskrytykavali Ay Yola za vykarystańnie niaruskaha etničnaha matyvu i baškirskaj movy, abvinavaciŭšy hrupu va ŭtojenym sieparatyźmie. U toj ža čas niekatoryja baškiry paprakajuć salistku ŭ ruskim akcentie, ličačy jaje vykanańnie niedastatkova aŭtentyčnym.

Na fonie šumichi hurt imkniecca manietyzavać pośpiech. Jon pačaŭ vystupać na karparatyŭnych mierapryjemstvach, prosiačy za adzin karotki vystup kala 8,5-9 tysiač dalaraŭ.

• 4
• 2
• 3
• 13
• 0
• 1
• 1
• 0