U Minsku pradajuć adnapakajovuju kvateru sa śmiećciepravodam prosta na kuchni
Heta dzieviacipaviarchovaja panelka na vulicy Tałbuchina, 16 — asablivaja. Jaje ŭźviali ŭ 1965 hodzie z žalezabietonnych panelaŭ pavodle palepšanaha prajekta dvuch savieckich architektaraŭ: Juryja Špita i Jaŭhiena Samančuka. Uvohule hety bulvar staŭ pieršym minskim mikrarajonam z panelnymi dzieviacipaviarchovikami, piša Onliner.by.
Zvyčajnaja na pieršy pohlad adnapakajoŭka na 40 «kvadrataŭ» raźmieščanaja na siomym paviersie. Žyłoj płoščy ŭ joj — 21 m², ale ŭładalnik zdoleŭ vydzielić na hetym kavałku miesca asobnuju spalnuju nišu. Kuchnia krychu bolšaja, čym u standartnaj panelcy — amal 9 m². Ź jaje — vychad na niezašklony bałkon.
Ramont u kvatery zastyŭ u savieckich časach (za vyklučeńniem sanvuzła — jaho abnavili), tamu budučyja ŭłaśniki mohuć aformić interjer pad siabie.
Ale hałoŭnaja fiška hetaha žylla — dziejsny śmiećciepravod, jaki. znachodzicca prosta ŭ kuchonnaj zonie.
Ciažka ŭjavić, jak hetaja savieckaja kanstrukcyja dažyła da našych dzion, ale, miarkujučy pa ŭsim, ciapierašnim uładalnikam asablivych niazručnaściej jana nie stvarała. Darečy, śmiećciepravody sustrakajucca i ŭ kvaterach namienkłaturnych damoŭ u kvartale pamiž vulicami Zacharava i Pulichava.
Za kapitalny ramont pieražyvać nie daviadziecca: jon užo praviedzieny. Plus — vydatnaje miescaznachodžańnie: piać chvilin pieššu da stancyi mietro «Park Čaluskincaŭ».
Kvateru možna kupić z meblaj za 66 tysiač u ekvivalencie.
-
U Minsku pradajuć zvyčajny zvonku dom, ale z bahatym načyńniem: pazałotaj, lapninaj i karcinami na ścienach
-
«Zastałosia ŭsiaho 6 kvater u horadzie». Na vychodnyja 9 maja razabrali arendnyja kvatery ŭ Hrodnie, Breście i Minsku. Ceny ŭražvajuć
-
U Minsku pradajuć niestandartnuju 3-uzroŭnievuju kvateru. Cana moža pryjemna ździvić
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1414
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu14
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary