Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju
Ciapier siłaviki nastojliva namiakajuć, što aŭtaru lepš vydalić rolik z tyktoka.
Niekalki tydniaŭ tamu Siarhiej Kakoŭka, jaki padpisany ŭ tyktoku jak «Razburalnik», pryjšoŭ u minskuju palikliniku №24. Miesca hetaje viadoma ŭsim, chto maje paśviedčańnie kiroŭcy — mienavita tam nieabchodna prachodzić miedycynski ahlad.
Mužčyna byŭ u šoku ad taho, jak usio tam adbyvajecca. Kaža, u čarzie było bolš za 150 čałaviek. Jon čakaŭ try hadziny, kab atrymać nakiravańnie na toj miedahlad. A potym prabiehsia pa ŭsich nieabchodnych daktarach za 10 chvilin. Kaža, što, uličvajučy kolkaść ludziej, miedyki prosta staviać piačatki.
Videa z palikliniki mužčyna vykłaŭ u tyktoku — i nie vielmi padbiraŭ słovy, kali prasiŭ čynoŭnikaŭ źviarnuć uvahu na prablemu. Ahułam dva jaho rolika pa hetaj temie nabrali kala miljona prahladaŭ.
Ciapier ža historyja atrymała praciah. Dniami Siarhieju patelefanavali ź milicyi. Vyśvietliłasia, što na mužčynu napisali zajavu za tyja videa.
Siarhiej ździviŭsia i spytaŭ, na što paskardziŭsia nieznajomiec.
«Jon kaža: «Nakont taho, što niekatoryja asoby, jakija trapili ŭ kadr, suprać taho, kab ich bačyła hramadstva». Mužčyna ž ličyć takuju pretenziju tryźnieńniem, bo nie zdymaŭ nikoha śpiecyjalna — jon prosta chacieŭ pakazać pamier čarhi.
Niet słov . Po faktu priedjaviť za pravdu niečieho, skłoniliś na to čto tipo moje lico popało na kamieru, mnie eto nie nravitsia .
Milicyjant, pa słovach błohiera, skazaŭ, što sam dobra razumieje, što adbyvajecca ŭ paliklinicy №24. Ale ž padkreśliŭ, što Siarhiej musić pryjechać na razmovu ŭ milicyju.
«Ja da čaho heta ŭsio? Jak tolki ty adkryvaješ rot na praŭdu, ciabie adrazu pačynajuć ščamić». Mužčyna raskazaŭ, što siłavik papiaredziŭ, videa lepš vydalić. Ale ž jon pryncypova nie choča hetaha rabić.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1616
Kamientary