Za I kvartał 2025 hoda Ministerstva antymanapolnaha rehulavańnia i handlu pravieryła bolš za 1,5 tysiačy handlovych abjektaŭ. U vyniku vydana 548 rekamiendacyj pa ŭstaranieńni niedachopaŭ i nakiravana 128 pradpisańniaŭ ab zabaronie realizacyi tavaraŭ. Asabliva vialiki pracent parušeńniaŭ vyjaŭleny ŭ kramach, paviedamlaje pres-słužba viedamstva.
Naprykład, pry praviercy 26 kramaŭ, što znachodziacca ŭ padparadkavańni sielskahaspadarčych pradpryjemstvaŭ i miasakambinataŭ, amal u kožnaj druhoj byli ŭstanoŭleny parušeńni zakanadaŭstva ab handli i abaronie pravoŭ spažyŭcoŭ.
U siami ź ich była zabaronienaja realizacyja tavaraŭ z praterminavanymi terminami prydatnaści. Usiaho ž MART vydaŭ za try miesiacy 119 pradpisańniaŭ z-za prodažu tavaraŭ z praterminavanym terminam prydatnaści. Heta adno z samych raspaŭsiudžanych parušeńniaŭ.
Parušeńni zakanadaŭstva ab cenach i cenaŭtvareńni byli vyjaŭleny ŭ 74 subjektaŭ haspadarańnia. Siarod častych parušeńniaŭ taksama nazyvajucca: nievykanańnie pieraliku tavaraŭ, abaviazkovych da najaŭnaści ŭ kramie, adsutnaść nieabchodnaj infarmacyi dla spažyŭcoŭ i inšaje.
Paviedamlajecca, što za try miesiacy ahulnaja suma štrafnych sankcyj pa spravach, razhledžanych praviarajučymi, pieravysiła 200 tysiač rubloŭ.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary