Eks-palitźniavolenaja Antanina Kanavałava paviedamiła pra aryšt siamiejnaj majomaści paśla adjezdu ź Biełarusi
Byłaja źniavolenaja Antanina Kanavałava raskazała ŭ efiry prahramy «Obyčnoje utro», što paśla jaje adjezdu ź Biełarusi na pakinutuju majomaść nakładzieny aryšt.
Taksama, pavodle słoŭ žančyny, KDB unios tatu Antaniny, Siarhieja Kanavałava, u «terarystyčny śpis».
«Heta prosta, kali ščyra, nonsens dla nas, bo tata nie byŭ zatrymany pavodle administracyjnych artykułaŭ, nie było na im kryminalnych spraŭ, tolki padazreńni, a jon u terarystyčnym śpisie».
Niekatory čas tamu, paviedamiła eks-palitźniavolenaja, u domie jaje baćki praviali pieratrus «z nahody jaho padazreńnia ŭ teraryźmie ŭ Baranavičach».
U mai 2021 hoda Antaninu, jakaja była davieranaj asobaj Śviatłany Cichanoŭskaj na prezidenckich vybarach 2020 hoda, razam ź jaje palitźniavolenym mužam Siarhiejem Jaraševičam asudzili da 5,5 hadoŭ kałonii pa spravie «Armii z narodam». Ich abvinavacili ŭ «padrychtoŭcy da ŭdziełu ŭ masavych biesparadkach» i ŭ «padrychtoŭcy biesparadkaŭ». U śniežni Antanina vyjšła na volu i ŭ siaredzinie sakavika vyjechała ź Biełarusi da dziaciej.
Abvieščany zbor na dapamohu eks-palitviaźniu Antaninie Kanavałavaj
Śviatłana Cichanoŭskaja sustrełasia z byłoj palitźniavolenaj Antaninaj Kanavałavaj
Palitźniavolenaja Antanina Kanavałava raskazała, što joj prapanoŭvaŭ HUBAZiK paśla jaje vyzvaleńnia
Antanina Kanavałava, vyzvalenaja pa pamiłavańni davieranaja asoba Cichanoŭskaj, vyjechała ź Biełarusi i narešcie sustrełasia ź dziećmi
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»9
Kamientary