Ekanomika11

Urad skaraciŭ pieralik tavaraŭ, jakija padlahajuć cenavamu rehulavańniu

Urad užo šosty raz unios źmieny ŭ pastanovu №713, jakoj z vosieni 2022 hoda ŭ Biełarusi rehulujucca ceny. Dakumientam, u pryvatnaści, jak raniej anansavaŭ premjer Alaksandr Turčyn, skaročany pieralik tavaraŭ, jakija padlahajuć cenavamu rehulavańniu.

Fota ilustracyjnaje

Ciapier pazicyj, jakija buduć rehulavacca, zastałosia 211 z 331. Vyklučanyja sa śpisu tavary nie štodzionnaha popytu i premium-kłasa. Norma zapracuje z 15 krasavika 2025 hoda.

Pad cenavaje rehulavańnie bolš nie buduć traplać tavary, jakija pradajucca rezidentam Biełarusi dla dalejšaha ekspartu (pry ŭzhadnieńni takoj ździełki z adpaviednym dziaržaŭnym orhanam), a taksama tavary, što realizujucca ŭ sterylnych zonach aeraportaŭ.

Dla vytvorcaŭ tavaraŭ, ceny na jakija rehulujucca, vyznačyli maksimalny ŭzrovień rentabielnaści, pry zachavańni jakoha pavyšeńnie cen nie patrabuje ŭzhadnieńnia ź dziaržaŭnymi orhanami.

Akramia taho, na zakanadaŭčym uzroŭni zaćvierdžany pieralik vydatkaŭ, jakija nielha ŭklučać u sabiekošt pradukcyi.

Urad taksama vyznačyŭ adzinuju maksimalnuju handlovuju nadbaŭku na impartnuju pradukcyju, niezaležna ad kolkaści pasiarednikaŭ ad miažy da kančatkovaha prodažu.

Zhodna z rašeńniem Savieta Ministraŭ, da 1 maja 2025 hoda buduć dziejničać hraničnyja ceny na bulbu, cybulu, buraki, morkvu, kapustu i jabłyki. Paśla hetaj daty ŭ roźničnym handli buduć ustanoŭlenyja hraničnyja nadbaŭki. Miarkujecca, što taki padychod dapamoža zachavać dastupnaść hetych praduktaŭ dla nasielnictva.

19 sakavika hety krok anansavaŭ niezadoŭha pierad tym pryznačany na pasadu premjer-ministr Alaksandr Turčyn, za što jaho 28 sakavika na naradzie davoli rezka raskrytykavaŭ Łukašenka:

«Novy premjer-ministr pačynaje varušyć staroje, što: «Nu čaho tam my parymsia, davajcie skarocim napałovu abo na tracinu kantralavanyja tavary, chaj jany sami tam pavialičvajuć košt jak chočuć, a voś hetyja sacyjalna značnyja tavary — heta važna». A chto skazaŭ, što heta sacyjalna značnaje? Dapuścim, aŭtamabil dla nas užo pierastaŭ być sacyjalna značnym. Ci jon sacyjalna značny? Ci załaty piarścionak? […] Dyk heta nie sacyjalna značny tavar? Byccam by nie».

Tym nie mienš, jak vyhladaje, Łukašenku ŭsio ž zdoleli pierakanać u nieabchodnaści hetaha kroku. 

Kamientary1

  • daviedka
    02.04.2025
    Łukašienko podtvierdił, čto on pustoje miesto i ničieho užie nie kontrolirujet v stranie.
    Niedieli nie prošło s toho momienta, kak on raskritikovał novoho prieḿjer-ministra za namierienije sokratiť na trieť etot pieriečień tovarov, podležaŝich cienovomu riehulirovaniju, i vot siehodnia Turčin sokratił pieriečień na 36% s 331 do 211...

Ciapier čytajuć

Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku23

Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku

Usie naviny →
Usie naviny

Tramp u AAN: Jeŭropa kocicca ŭ piekła, a hłabalnaje paciapleńnie — najbujniejšaje machlarstva35

Cichanoŭskaja: Ja vielmi radaja, što pasažyrskaje złučeńnie pamiž Biełaruśsiu i Polščaj adnovicca27

Ministr unutranych spraŭ Polščy padpisaŭ rasparadžeńnie ab adkryćci miažy2

U zatrymanaha ŭ Polščy taksista-špijona znajšli śpis biełarusaŭ, za jakimi jon mieŭ zadańnie sačyć2

«Minsktrans» adnaŭlaje rejsy ŭ Polšču i Hiermaniju3

U Minsku dvoje rabočych upali z vyšyni, adzin zahinuŭ

Anžalicy Borys dazvolili naviedać Andžeja Pačobuta ŭ navapołackaj kałonii12

Markaŭ zadumaŭsia pra stvareńnie dziciačaha telekanała, ale jość pytańni7

«Kanapa za 6 tysiač pieratvaryłasia ŭ razvalinu». Biełarusy krytykujuć jakaść mebli «Pinskdreŭ»4

bolš čytanych navin
bolš łajkanych navin

Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku23

Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku

Hałoŭnaje
Usie naviny →

Zaŭvaha:

 

 

 

 

Zakryć Paviedamić