Siońnia ŭ maskoŭskim zaaparku pry karmleńni źmiej zahinuŭ zaatechnik — 35-hadovy biełarus Siarhiej Jakunin. Ranicaj jon karmiŭ źmiej, adna ź ich ukusiła jaho za palec. Adrazu vyklikali chutkuju dapamohu, ale vyratavać supracoŭnika nie ŭdałosia.
Jak stała viadoma «Maskoŭskamu kamsamolcu», Jakunin rodam ź Biełarusi. Jon skončyŭ zaainžynierny fakultet Biełaruskaj dziaržaŭnaj sielskahaspadarčaj akademii. Mužčyna vučyŭsia na kafiedry vieterynaryi i bijatechnałohii.
U adkrytych krynicach havorycca, što rodny horad Jakunina — Rahačoŭ, a naradziŭsia jon u hod Źmiai pa kitajskim kalendary.
Jak piša «Baza», źmiaja ŭkusiła mužčynu, jak tolki jon adčyniŭ dźviercy teraryuma, kab jaje pakarmić. U mužčyny byli šancy vyžyć, kali b nie vostraja alerhičnaja reakcyja.
Kalehi adrazu vyklikali chutkuju, ale mužčyna pamior litaralna praz 5 chvilin ad anafiłaktyčnaha šoku da pryjezdu miedykaŭ.
Źmiaja, jakaja ŭkusiła Jakunina, — adna z 30 jadavitych źmiej, niadaŭna dastaŭlenych u Maskoŭski zaapark z Paŭdniovaj Afryki. Siarod ich — karałavy aśpid, jaki ličycca śmiarotna niebiaśpiečnym.
Kamientary