Jeŭrasajuz zapuściŭ prahramu padtrymki adukacyi biełarusaŭ, jakija paciarpieli ad palityčnych represij
Jeŭrapiejski sajuz abviaščaje zapusk prahramy padtrymki dla tych, chto paciarpieŭ ad palityčnych pieraśledaŭ i straciŭ krynicu dachodu i mahčymaść atrymańnia adukacyi.
Chto moža pretendavać na padtrymku
Prahrama pryznačanaja dla byłych palitźniavolenych, a taksama biełarusaŭ i biełarusak, jakija padvierhlisia kryminalnamu abo administracyjnamu pakarańniu pa palityčnych matyvach.
Na momant padačy zajaŭki ŭdzielnik abo ŭdzielnica pavinny pražyvać (nie raniej za žnivień 2020 hoda) u krainie-členie ES, krainach JEEZ abo adnoj z krain Uschodniaha partniorstva (Armienija, Azierbajdžan, Biełaruś, Hruzija, Małdova, Ukraina).
Vyklučeńnie mohuć składać zajaŭniki, jakija zmohuć dakazać, što pakinuli Biełaruś raniej za žnivień 2020 hoda z-za represij i pieraśledu, źviazanych z prezidenckimi vybarami 2020 hoda.
Čym moža dapamahčy prahrama
- Prajści kursy pavyšeńnia kvalifikacyi i pierapadrychtoŭki kadraŭ;
- prajści moŭnyja kursy i ekzamieny dla atrymańnia siertyfikata;
- zrabić nastryfikacyju dypłoma, vučonaj stupieni ci paśviedčańnia ab adukacyi;
- prajści kursy na atrymańnie vadzicielskich pravoŭ ( katehoryi C, D, T);
- zdać kvalifikacyjnyja ekzamieny;
- atrymać prafiesijnuju adukacyju (padtrymka navučańnia da 12 miesiacaŭ).
Pamier padtrymki — da 10 000 jeŭra.
Usie adukacyjnyja i navučalnyja mierapryjemstvy mohuć adbyvacca ŭ roznych farmatach: vočna, anłajn abo ŭ źmiašanym farmacie.
Padać zajaŭku na ŭdzieł u prahramie možna pa spasyłcy.
Termin padačy zajavak — da sakavika 2027 hodu.
Bolš padrabiazna čytajcie tut.
Kamientary
Dziakuj Jeŭropie za padtrymku. U nas ahulny vorah
Padadzieny spasyłki na pres-reliz JEZ, što vydzielena 25 miljonaŭ jeŭra, ale chto zaŭhodna moža zrabić spasyłku na toj pres-reliz, i jašče adna spasyłka na sajt niejkaj letuviskaj NDA, ale chto iznoŭ-tki, zaŭhodna moža zrabić spasyłku, nieabaviazkova sama taja NDA.
Vielmi padobna na režymnuju pastku.