CRU rassakreciła dakumient ab napadzie inšapłanietnikaŭ na savieckich vajskoŭcaŭ
Infarmacyja pra sustreču inšapłaniecian i savieckich sałdat apublikavanaja ŭ rassakrečanym dakumiencie CRU. Sam hety dakumient zasnavany na publikacyi 90-ch va ŭkrainskaj presie.
Rassakrečany dakumient CRU apisvaje sustreču savieckich sałdat ź inšapłaniecianami, u vyniku jakoj 23 vajskoŭcy nibyta pieratvarylisia ŭ kamień.
Pavodle dakumienta, paśla raspadu Savieckaha Sajuza CRU atrymała 250-staronkavy spravazdaču KDB, jakaja apisvaje, jak savieckija sałdaty padčas vučeńniaŭ va Ukrainie zaŭvažyli latajučuju talerku.
Paśla taho jak adzin z sałdat vypuściŭ rakietu, jakaja źbiła NŁA, ź jaho abłomkaŭ vyjšli piać nievysokich humanoidaŭ ź vialikimi hałovami i čornymi vačyma. Jany źlilisia ŭ adzin abjekt, jaki nabyŭ śfieroidnuju formu, i vybuchnuŭ jarkim śviatłom.
U vyniku 23 sałdaty, jakija nazirali za hetym, pieratvarylisia ŭ «kamiennyja słupy», vyžyli tolki dvoje, jakija znachodzilisia ŭ cieni i mienš padvierhlisia ŭździejańniu vybuchu.
KDB nibyta pieradała akamianiełyja cieły i abłomki NŁA ŭ sakretnuju łabaratoryju pad Maskvoj. Savieckija navukoŭcy vyjavili, što vybuch źmianiŭ kletki sałdat, pieratvaryŭšy ich u rečyva, padobnaje da vapniaku.
U dakumiencie CRU adznačajecca: «Kali spravazdača KDB adpaviadaje rečaisnaści, heta vielmi pahroźlivy vypadak. Inšapłaniecianie vałodajuć takimi ŭzbrajeńniami i technałohijami, jakija pieraŭzychodziać usie našy zdahadki».
Hety incydent pieršapačatkova, jaki nibyta adbyŭsia pamiž 1989 i 1990 hadami, byŭ apisany va ŭkrainskaj haziecie «Hołos Ukrajini» i kanadskim vydańni «Weekly World News», ale znoŭ pryciahnuŭ uvahu hramadskaści na fonie intaresu da NŁA i stvareńnia Pientahonam śpiecyjalnaj hrupy dla rasśledavańnia niezvyčajnych pavietranych źjaŭ.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary