U Ispanii zatrymali paru, jakaja pradavała redkich katoŭ ź Biełarusi
Ispanskija ŭłady aryštavali na vostravie Majorka paru, jakuju padazrajuć u kantrabandzie, raźviadzieńni i prodažy praź internet ekzatyčnych vidaŭ katoŭ, a taksama inšych redkich žyvioł, u tym liku biełych tyhraŭ, pum i dymčastych leapardaŭ, paviedamlaje Bi-bi-si sa spasyłkaj na MUS Ispanii.
Padčas pieratrusu supracoŭniki Hramadzianskaj hvardyi Ispanii vyjavili ŭ horadzie Manakor na Majorcy 19 pradstaŭnikoŭ siamiejstva katovych, u tym liku karakała, dvuch siervałaŭ i jašče 16 asobin hibrydnych parod. U chodzie apieracyi kanfiskavana vialikaja kolkaść dakumientaŭ, jakija ciapier vyvučajucca.
Rejd byŭ častkaj šyrejšaj apieracyi pad nazvaj «Kotač», jakaja pačałasia ŭ sakaviku minułaha hoda. Adzin čałaviek užo znachodzicca pad śledstvam za prodaž roznych achoŭnych vidaŭ žyvioł u internecie. U MUS śćviardžajuć, što vyjaŭleńnie žyvioł na Majorcy było tolki viaršyniaj ajśbierha hłabalnaj złačynnaj arhanizacyi, u jakuju ŭvachodzili zavodčyki, kantrabandysty i vieterynary.
«Bolšaść žyvioł, vystaŭlenych na prodaž, prybyli z takich krain, jak Rasija, Biełaruś i Ukraina, i byli kantrabandaj uviezieny ŭ Jeŭrasajuz, — zajavili ŭ viedamstvie. — Žyvioły taksama byli ŭviezieny ŭ ES praź miažu Polščy ź Biełaruśsiu i adtul raspaŭsiudžvalisia pa padroblenych dakumientach».
Jak paviedamlajecca, para aktyŭna viała sacyjalnyja sietki, dzie raźmiaščała abjavy pra prodaž žyvioł. Na hetyja abjavy adhukalisia ludzi z roznych krain.
«Zatrymanyja raźmiaščali ŭ svaich akaŭntach u sacyjalnych sietkach abjavy pra prodaž biełych tyhraŭ, dymčastych leapardaŭ, rysiaŭ, hijen, panter i pum. Vyśvietliłasia, što dymčasty leapard byŭ acenieny ŭ 60 tysiač jeŭra».
Katy časova źmieščanyja ŭ zaaparku na Majorcy. Paźniej ich pieraviaduć u śpiecyjalny centr niedaloka ad Alikante. Vysoki popyt na ekzatyčnych katoŭ padsiłkoŭvajecca sacyjalnymi sietkami, ale MUS Ispanii adznačaje, što hetym žyviołam patrabujecca asablivy dohlad.
«Sproby razvodzić i trymać hetych katoŭ u jakaści chatnich žyvioł šyroka raspaŭsiudžanyja ŭ Rasii i Ukrainie, i hetuju tendencyju pačali pierajmać u inšych krainach. Hetym vidam patrebna šmat miesca. Akramia taho, hetyja vidy vielmi ahresiŭnyja i mohuć ujaŭlać niebiaśpieku dla ludziej abo inšych žyvioł, tamu mnohija ludzi ŭ vyniku pazbaŭlajucca hetych asobin», — dadali ŭ ministerstvie.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ2
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary