Na trasie Brest — Małaryta płanujuć adkryć karčmu z kaljanam, dyskatekami i kutkom-muziejem Vialikaj Ajčynnaj vajny
Na skryžavańni daroh Brest — Małaryta — Kobryn u budynku byłoha pasta DAI ŭ najbližejšyja miesiacy płanujuć adkryć karčmu «Mandarynavaja huś», paviedamlaje @BGazeta.
Prajekt anansavaŭ praŭładny błohier PałVanyč z Kobryna. Pavodle jaho, heta dobraja navina nie tolki dla žycharoŭ Małaryty. Ustanova budzie spałučać bar, dyskateki i kaljan z kutkom-muziejem Vialikaj Ajčynnaj vajny.
Mienavita takaja kancepcyja vyklikała krytyku ŭ častki biełarusaŭ. Niekatoryja ličać, što farmat z ałkaholem i zabaŭlalnymi imprezami drenna sumiaščajecca z vajennaj tematykaj, a sama ŭstanova moža nie praisnavać doŭha.
Pavodle błohiera, na pieršym paviersie raźmieściacca barnaja stojka, stoliki i televizar. Na druhim paviersie arhanizujuć «nievialiki kutok muzieja VAV», dzie płanujuć pravodzić sustrečy ź vieteranami, jakija mohuć raspaviadać pra vajnu.
U videa błohier parazmaŭlaŭ z uładalnicaj budučaj karčmy Inaj. Jana adznačyła, što ideja adkryćcia źjaviłasia pad upłyvam siamji z Rasii.
«Inicyjatyva pryjšła z Rasijskaj Fiederacyi. Nazva taksama adtul, heta lubimaja nazva ŭstanovy maich dziaciej, dzie my adpačyvajem. Voś i vyrašyli ŭvasobić heta ŭ našu maru, adkryć tut», — raspaviała Ina.
Pavodle jaje, ustanova budzie raźličanaja na adpačynak i sustrečy ludziej 40+, a ŭ VIP-zale źjavicca kaljan.
«Uvachod tam budzie płatny. Adpaviedna, i absłuhoŭvańnie budzie zusim inšym. Budzie posud, źviazany ź Vialikaj Ajčynnaj vajnoj. Dumaju, spadabajecca. Spadziajusia, u pieršuju čarhu, małarytčanie padtrymajuć našu inicyjatyvu. Pryjeduć, pahladziać, buduć adpačyvać».
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary