Novasibirskamu stvaralniku suicydalnaj hrupy «Sini kit» dali dzieviać hadoŭ kałonii
Sud u Novasibirsku vynies prysud miascovamu žycharu zproźviščam Pahibłaŭ, jaki stvaryŭ publičnuju «hrupu śmierci» pad nazvaj «Sini kit».
Małady čałaviek z «patałahičnaj zacikaŭlenaściu da śmierci» pryznany vinavatym u schileńni ŭdzielnikaŭ «hulni», u tym liku padletkaŭ, da samahubstva, paviedamlaje «Novaja Sibir»
Śledstva ličyć, što Pahibłaŭ I. u 2023 hodzie stvaryŭ u internecie publičny kanał «Sini kit», praź jaki pačaŭ padbuchtorvać nieakreśleny kruh asob da ździajśnieńnia samahubstva. Praź pierakanańni i pieramovy jon prymušaŭ patencyjnych achviar vykonvać śpiecyjalnyja «zadańni», sutnaść jakich zaklučałasia ŭ naniasieńni sabie niebiaśpiečnych dla žyćcia i zdaroŭja cialesnych paškodžańniaŭ. Da hetaj «hulni» jon uciahnuŭ padletka.
Na ščaście, davieści zadumanaje da kanca Pahibłaŭ i jašče adna asoba (imavierna, taksama niepaŭnaletniaja) nie zmahli. Ich dziejnaść była spyniena pravaachoŭnymi orhanami.
«Na sudovym pasiadžeńni Pahibłaŭ I. całkam pryznaŭ vinu ŭ ździajśnieńni złačynstvaŭ. Prysudam suda jon pryznany vinavatym u ździajśnieńni nazvanych złačynstvaŭ, jamu pryznačana pakarańnie ŭ vyhladzie pazbaŭleńnia voli terminam na 9 hadoŭ z adbyvańniem u papraŭčaj kałonii strohaha režymu, z pazbaŭleńniem prava zajmacca dziejnaściu, źviazanaj z administravańniem sajtaŭ z vykarystańniem elektronnych i (abo) infarmacyjna-telekamunikacyjnych sietak, u tym liku internetu, terminam na 4 hady», — paviedamili ŭ pres-słužbie suda Leninskaha rajona.
Ciapier čytajuć
HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier5
Kamientary