Adkryćcio samaha doŭhaha padviesnoha mosta Biełarusi znoŭ pieranieśli — pa niezvyčajnaj pryčynie
Rekanstrukcyja mosta zaciahnułasia amal na hod, ale jaje ŭžo amal skončyli.
Adkryćcio samaha doŭhaha padviesnaha mosta ŭ Biełarusi paśla rekanstrukcyi znoŭ pieranieśli.
Instahramny most praź Nioman u Mastach pavinny byli ŭračysta adkryć 28 krasavika. Adnak, jak paviedamlaje hrodzienskaje TB, miascovyja žychary sami paprasili pieranieści adkryćcio.
Reč u tym, što 29 krasavika ŭ Biełarusi adznačajuć Radaŭnicu — u hety dzień mnohija naviedvajuć mohiłki. 28 krasavika pa tradycyi taksama vychadny. Pry hetym prapuścić adkryćcio mosta žychary horada taksama nie chočuć. U vyniku adbyłosia rašeńnie pieranieści adkryćcio mosta na piatnicu, 2 maja.
Kapitalny ramont samaha doŭhaha ŭ Biełarusi — 193 mietry — padviesnaha mosta pačaŭsia letam 2024 hoda. Kanstrukcyju amal całkam razabrali i zamianili jaje asnoŭnyja elemienty. Płanavałasia, što rekanstrukcyja zojmie čatyry miesiacy, ale ŭ vyniku jana raściahnułasia amal na hod.
Aŭtary prajekta abiacali zrabić adrezak mosta sa šklanym dnom. Adnak atrymałasia ŭsio nie zusim tak, jak płanavałasia.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary