DAI budzie fiksavać parušeńni biez papiaredžańnia — źjaviŭsia novy kompleks fotafiksacyi chutkaści
U DPS DAI pastupiŭ novy prybor vymiareńnia chutkaści. Jon bačyć numary aŭto na adlehłaści ŭ paŭkiłamietra. Papiaredžvać pra jaho vykarystańnie nie buduć.
Novy mabilny kompleks «Arakuł insajt» pastupiŭ u DPS DAI. Heta mabilny fota– i videafiksatar, ustalavany na słužbovych aŭtamabilach DPS.
Prybor moža kantralavać transpartny patok u abodvuch napramkach — jak spadarožnym, tak i sustrečnym.
Sistema aŭtamatyčna fiksuje parušeńni i raspaznaje numary transpartnych srodkaŭ na adlehłaści da 500 mietraŭ.
Najvažniejšaja navina dla kiroŭcaŭ — miescy, dzie budzie pracavać «Arakuł», nie buduć paznačanyja darožnymi znakami, jak heta było raniej sa stacyjanarnymi kamierami.
Fotafiksacyja budzie vieścisia z transpartu Dziaržaŭtainśpiekcyi, jaki abaznačany adpaviednaj koleravaj afarboŭkaj i majačkami, rastłumačyŭ načalnik Hałoŭnaha ŭpraŭleńnia DAI MUS Biełarusi Viktar Rotčankaŭ.
Takim čynam, «Arakuły» zmohuć źjaŭlacca ŭ roznych miescach i ŭ rozny čas.
Kiroŭcy nie buduć viedać, dzie viadziecca fotafiksacyja.
Parušalnikam chutkasnaha režymu buduć prychodzić «listy ščaścia» pa pošcie aŭtamatyčna, biez spynieńnia transpartu.
Ciapier čytajuć
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?5
Kamientary
[Zredahavana]