U dopisie ŭ svajoj sacyjalnaj sietcy TruthSocial amierykanski prezident Donald Tramp vykazaŭ niezadavolenaść artykułam u haziecie The New York Times, dzie jahonyja kroki na pasadzie prezidenta aceńvajucca jak bolš vyhadnyja dla Rasii, čym dla Ukrainy.
U svaim dopisie 47-y prezident ZŠA pa tradycyi zhadaŭ, što pry jahonym prezidenctvie hetaj vajny nie było b, i što va ŭsim vinavatyja jahonyja papiaredniki-demakraty Barak Abama i Džo Bajden:
«Heta vajna sonnaha Džo Bajdena, a nie maja. Jana była asudžanaja z samaha pačatku, nie pavinna była adbycca i nie adbyłosia b, kali b ja byŭ prezidentam u toj čas. Ja prosta sprabuju navieści paradak za Abamam i Bajdenam, i jaki ž heta brud».
A ŭ kancy pasta Tramp napisaŭ:
«U Pucina nie było nijakich pryčyn dla taho, kab abstrelvać rakietami cyvilnyja rajony, harady i pasiołki ciaham apošnich niekalkich dzion.
Heta prymušaje mianie dumać, što, mahčyma, jon nie choča spyniać vajnu, jon prosta hulaje sa mnoj, i ź im treba zmahacca pa-inšamu, z dapamohaj «bankaŭskich» abo «druhasnych sankcyj»? Zanadta šmat ludziej hinie!»
Heta ŭžo druhi vypadak publičnaj krytyki Trampam Uładzimira Pucina za apošnija niekalki dzion. 24 krasavika, paśla masiravanaha rasijskaha ŭdaru pa Kijevie, prezident ZŠA zaklikaŭ Pucina «spynicca» i nazvaŭ ataku «niepatrebnaj» i «niesvoječasovaj».
Pucin zajaviŭ pra hatoŭnaść da pieramovaŭ z Kijevam «biez papiarednich umoŭ»
U Biełym domie nazvali «vielmi praduktyŭnaj» karotkuju sustreču Trampa i Zialenskaha
Zialenski pra sustreču z Trampam: Dobraja sustreča. Sam-nasam my paśpieli abmierkavać mnohaje
Tramp: Dobry dzień pieramoŭ i sustreč z Rasijaj i Ukrainaj
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro2
Kamientary