Kardynały z 71 krainy śvietu: hieahrafija kankłava

Najbujniejšuju hrupu kardynałaŭ-vybarščykaŭ składajuć jeŭrapiejcy — 53 ijerarchi. 37 kardynałaŭ buduć pradstaŭlać Amieryku (16 — Paŭnočnuju, 4 — Centralnuju i 17 — Paŭdniovuju), 23 — Aziju, 18 — Afryku i 4 — Akijaniju.

Kardynały-vybarščyki pachodziać z 71 krainy śvietu: 18 krain Jeŭropy, 17 — Afryki, 17 — Azii, 15 — Amieryki i 4 — Akijanii.

U Jeŭropie najbujniejšuju hrupu pradstaŭlajuć italjancy — 17 kardynałaŭ z pravam hołasu na kankłavie. Pa 5 kardynałaŭ pradstaŭlajuć Francyju i Ispaniju, pa 4 — Partuhaliju i Polšču, pa 3 — Vialikabrytaniju i Hiermaniju, 2 — Šviejcaryju, pa adnym — Bielhiju, Bośniju i Hiercahavinu, Vienhryju, Litvu, Luksiemburh, Maltu, Niderłandy, Sierbiju, Charvatyju i Šviecyju.

Z 37 amierykanskich kardynałaŭ 10 pradstaŭlajuć ZŠA, 7 — Braziliju, pa 4 — Arhiencinu i Kanadu, 2 — Mieksiku, pa adnym — Haici, Hvatemału, Kałumbiju, Kubu, Nikarahua, Parahvaj, Pieru, Čyli, Uruhvaj i Ekvador.

Siarod 23 azijackich kardynałaŭ-vybarščykaŭ — 4 ź Indyi, 3 — ź Filipin, 2 — ź Japonii, pa adnym — z Paŭdniovaj Karei, Kitaja, Ijerusalima, Indaniezii, Irana, Iraka, Manholii, Małajzii, Mjanmy, Pakistana, Sinhapura, Tajłanda, Šry-Łanki, Uschodniaha Tymora.

Z 18 afrykanskich krain, pradstaŭlenych na kankłavie, Kot-dJIvuar maje 2 kardynały-vybarščyki, pa adnym — Ałžyr, Burkina-Faso, Hana, Hvinieja, Demakratyčnaja Respublika Konha, Kaba-Vierde, Kienija, Madahaskar, Maroka, Nihieryja, Paŭdniova-Afrykanskaja Respublika, Paŭdniovy Sudan, Ruanda, Tanzanija, Centralna-Afrykanskaja Respublika i Efiopija.

U kožnaj z čatyroch krain Akijanii, pradstaŭlenych na kankłavie (Aŭstralija, Novaja Ziełandyja, Papua-Novaja Hvinieja i Tonha) — pa adnym kardynale.

Upieršyniu ŭ historyi vybirać Papu buduć kardynały rodam z Haici, Kaba-Vierde, Luksiemburha, Małajzii, Papua-Novaj Hviniei, Parahvaja, Paŭdniovaha Sudana, Sierbii, Sinhapura, Šviecyi, Uschodniaha Tymora i Centralna-Afrykanskaj Respubliki.

Samy małady kardynał na kankłavie — 45-hadovy hreka-katalicki ijerarch ukrainskaha pachodžańnia Mikoła Byčok z Aŭstralii, a samy pažyły — 79-hadovy ispaniec Karłas Asora Śjera, arcybiskup-emieryt Madrydski.

Vybirać novaha Papu buduć 5 kardynałaŭ, pryznačanych Janam Paŭłam II, 22 — Bieniedyktam XVI, 108 — Franciškam.

33 kardynały-vybarščyki naležać da 18 manaskich supolnaściej. Siarod ich — 5 da Tavarystva śviatoha Franciška Salskaha (salezijanie), pa 4 — da Ordena mienšych bratoŭ i Tavarystva Jezusa (jezuity), 3 — da Ordena mienšych bratoŭ kanvientualnych, pa 2 — da redemptarystaŭ i vierbistaŭ, pa adnym — da inšych ordenaŭ i kanhrehacyj.

• 2
• 0
• 0
• 1
• 0
• 0
• 0
• 0