Prezident ZŠA zajaviŭ, što jahonaje staŭleńnie da Ukrainy zaležyć ad dziejańniaŭ Rasii.
Donald Tramp dapuściŭ, što moža palepšyć svajo staŭleńnie da Ukrainy.
Prezident ZŠA ŭ intervju The Atlantic adznačyŭ, što heta zaležyć ad dziejańniaŭ Rasii ŭ vajnie. Žurnalist spytaŭsia ŭ jaho, ci jość što-niebudź, što moža zrabić Pucin, što prymusić Trampa zaniać bok Zialenskaha.
«Nie abaviazkova na baku Zialenskaha, ale na baku Ukrainy — tak. Tak. Ale nie abaviazkova na baku Zialenskaha. Mnie ź Zialenskim było ciažka. Vy heta bačyli tut, kali jon siadzieŭ prosta ŭ hetym kreśle, kali jon prosta nie moh zrazumieć», — adznačyŭ Tramp.
Jon znoŭ uzhadaŭ sprečku z ukrainskim prezidentam u Biełym domie.
«Jamu ŭsiaho-to treba było pramaŭčać, razumiejecie? Jon ža damohsia svajho. Damohsia. Ale zamiest taho kab skazać «dobra», kali ja zrabiŭ zajavu, ja skazaŭ: «Nu, my imkniemsia vyrašyć hetuju prablemu. My sprabujem dapamahčy». A jon skazaŭ: «Nie, nie, nam jašče patrebna biaśpieka». Ja skazaŭ: «Biaśpieka?», — uzhadaŭ Tramp.
Pry hetym jon dapuściŭ, što ZŠA mohuć praciahnuć padtrymku Ukrainy, ale nie śmiarotnaj zbrojaj.
«Heta nie abaviazkova pavinny być uzbrajeńni. Isnuje šmat formaŭ zbroi. Heta nie abaviazkova zbroja z kulami. Heta moža być zbroja ŭ vyhladzie sankcyj. Heta moža być zbroja ŭ vyhladzie bankaŭskich mieraŭ. Heta moža być mnostva inšych vidaŭ zbroi», — skazaŭ Tramp.
Jon dadaŭ, što praces urehulavańnia kanfliktu znachodzicca na finišnaj pramoj, usio moža vyrašycca na praciahu bližejšaha tydnia.
Tym časam jeŭrapiejskija čynoŭniki aścierahajucca, što ZŠA ŭžo na hetym tydni mohuć vyjści ź mirnaha pracesu. Dziaržsakratar Marka Rubia zajaŭlaŭ, što Vašynhton moža admovicca ad namahańniaŭ pa dasiahnieńni miru, kali nie ŭbačyć chutkaha vyniku.
U Jeŭropie i va Ukrainie bajacca, što Tramp na hetym tydni vyjdzie ź pieramoŭ pa vajnie — FT
Makron: Zachad u najbližejšyja 8-10 dzion uzmocnić cisk na Rasiju
U Vašynhtonie i Kijevie raskrytykavali prapanavanaje Pucinym trochdzionnaje pieramirje
Tramp skazaŭ, što Zialenski moža admovicca ad Kryma
Tramp znoŭ zaklikaje Pucina «spynić stralbu» i zaklučyć «ździełku»
Kamientary
Nie, on strannyj, cackajetsia i jakšajetsia s putinym, idiot jemu na ustupki, vypołniajet jeho chotiełki, no davit na Zielenskoho i Ukrainu.
Nie vspominajet o svoich obieŝanijach vooružiť Ukrainu do zubov, prodołžajet priedłahať prianiki, za sčiot Ukrainy, putinu.
Dažie ukrainskij Krym, ukrainskij Donbass sohłasien jemu otdať, no, bieda v tom, čto putinu nužna vsia Kkraina biez ukrainciev, no s russkimi.
Tak heta što? Čakaje, pakul Pucin nie skaža pra alternatyŭnuju Ukrainu bieź Zialenskaha? Niama zaraz inšaj Ukrainy.