U Vašynhtonie i Kijevie raskrytykavali prapanavanaje Pucinym trochdzionnaje pieramirje
I ŭ ZŠA, i va Ukrainie pieradusim nie razumiejuć, navošta boku, jaki nibyta choča miru, abjaŭlać pieramirje na try dni, kali možna prynamsi na 30, abo i ŭvohule nazusim.
Donald Tramp nastojvaje na pastajannym spynieńni ahniu va Ukrainie, zajaviła pradstaŭnica Biełaha doma Kerałajn Levit, kamientujučy abvieščanaje Kramlom trochdzionnaje pieramirje. Levit paviedamiła žurnalistam, što Tramp usio bolš rasčaravany jak Uładzimiram Pucinym, tak i prezidentam Ukrainy Uładzimiram Zialenskim, i što abodva baki pavinny sieści za stoł pieramoŭ dla zakančeńnia vajny.
U toj ža čas ministr zamiežnych spraŭ Ukrainy Andrej Sibiha zaklikaŭ da nieadkładnaha spynieńnia ahniu:
«Kali Rasija sapraŭdy choča miru, jana pavinna nieadkładna spynić ahoń. Navošta čakać da 8 maja? Kali možna spynić ahoń prosta ciapier i padtrymlivać jaho na praciahu 30 dzion — kab heta było pa-sapraŭdnamu, a nie prosta dziela paradu. Ukraina hatovaja padtrymać ustojlivaje, tryvałaje i paŭnavartasnaje spynieńnie ahniu. I mienavita heta my ŭvieś čas prapanujem — choć by na 30 dzion», — napisaŭ jon.
Siońnia stała viadoma, što Pucin abviaściŭ trochdzionnaje pieramirje «z nula hadzin z 7 na 8 maja da nula hadzin z 10 na 11 maja» — na toj čas, kali ŭ Rasii budzie śviatkavacca 80‑hodździe pieramohi nad Hiermanijaj u Druhoj suśvietnaj vajnie.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary