ZŠA skaračajuć adstavańnie ad Kitaja ŭ hipierhukavoj honcy
Z dapamohaj startapaŭ Pientahon upieršyniu za bolš jak 50 hadoŭ ździejśniŭ paśpiachovyja paloty bieśpiłotnika, jaki raźvivaje chutkaść, u piać razoŭ bolšuju za chutkaść huku.
Jak piša The Wall Street Journal, Ministerstva abarony ZŠA paviedamiła pra pieršyja za bolš čym paŭstahodździa paśpiachovyja vyprabavańni šmatrazovaha hipierhukavoha latajučaha aparata Talon-A z rakietnym ruchavikom. Hety praryŭ staŭ vyraznym znakam taho, što Pientahon prasoŭvajecca napierad u honcy vajskovych technałohij, dzie Kitaj užo maje istotnuju pieravahu.
Vyprabavańni pravodzili dva startapy — Stratolaunch, raspracoŭščyk samoha hipierhukavoha aparata, i Ursa Major — kampanija, jakaja śpiecyjalizujecca na vadkasnych rakietnych ruchavikach.
Pavodle infarmacyi Ministerstva abarony ZŠA, paloty Talon-A adbylisia ŭ śniežni i sakaviku, i aparat raźviŭ chutkaść, što pieraŭzychodzić piacirazovuju chutkaść huku — mienavita z hetaha ŭzroŭniu zvyčajna pačynajecca zona hipierhukavych technałohij.
Apošni raz šmatrazovy aparat na takoj chutkaści ZŠA zapuskali jašče ŭ 1968 hodzie. Heta byŭ lehiendarny X-15 — piłatavany samalot, jaki staŭ etałonam ekśpierymientalnaj avijacyi, ale prahrama była zakrytaja, bo brakavała finansavańnia.
Hipierhukavaja chutkaść — heta nie prosta bolš za 6000 kiłamietraŭ za hadzinu. U takim režymie latajučy aparat musić vytrymlivać tempieratury ŭ tysiačy hradusaŭ i zachoŭvać kiravanaść padčas manieŭraŭ, nieabchodnych dla ŭchileńnia ad srodkaŭ supraćpavietranaj abarony. Dla stvareńnia efiektyŭnaj zbroi na takoj asnovie patrebnyja masavyja i rehularnyja vyprabavańni.
Na praciahu niekalkich dziesiacihodździaŭ paśla Ch-15 ZŠA pravodzili hipierhukavyja vyprabavańni ŭ aeradynamičnych trubach. Ź ciaham času ich kolkaść skaraciłasia. Pakul Pientahon marudziŭ, Kitaj upeŭniena išoŭ napierad. Pa acenkach ekśpiertaŭ, jon pravodziŭ vyprabavańni ŭ dziesiać razoŭ čaściej i ŭžo stvaryŭ adnyja z samych sučasnych hipierhukavych rakiet u śviecie. Rasija taksama zajaŭlaje, što vałodaje ŭłasnaj zvyšchutkasnaj zbrojaj.
Pad ciskam Kanhresu, jaki patrabuje vynikaŭ u halinie hipierhukavoj zbroi, Pientahon pačaŭ abapiracca na startapy, kab pieraadoleć adstavańnie.
Novy Talon-A — heta poŭnaściu aŭtanomny šmatrazovy bieśpiłotnik, jaki zapuskajecca ŭ palot z dapamohaj samalota-nośbita Roc — raspracoŭki Stratolaunch. Paśla dasiahnieńnia vyznačanaj vyšyni aparat adździalajecca i pačynaje samastojny palot na vadkasnym rakietnym ruchaviku.
Samalot Roc z razmacham kryłaŭ 117 mietraŭ i hruzapadymalnaściu 250 ton pieršapačatkova raspracoŭvaŭsia jak častka ambicyjnaha prajekta Stratolaunch pa vyvadzie kaśmičnych aparataŭ na arbitu z borta vielizarnaha samalota paśla dasiahnieńnia im peŭnaj vyšyni.
Adnak paśla źmieny ŭłaśnika stratehija źmianiłasia — ciapier Roc vykarystoŭvajecca dla padjomu hipierhukavoha bieśpiłotnika Talon-A, jaki sam pa sabie nie źjaŭlajecca zbrojaj.
Adnak jon — klučavy elemient u raspracoŭcy hipierhukavych rakiet, bo dazvalaje praviarać u realnych palotnych umovach aptyčnyja, kamunikacyjnyja i navihacyjnyja sistemy, a taksama aeradynamiku na hipierhukavych chutkaściach. Heta stvaraje padmurak dla paskoranaj i ekanamična efiektyŭnaj raspracoŭki nastupnaha pakaleńnia hipierhukavych rakiet.
Stratehična važna, što asnoŭny praryŭ u hipierhukavych technałohijach ździejśnili nie tradycyjnyja dziaržaŭnyja karparacyi, a pryvatnyja technałahičnyja kampanii, finansavanyja vienčurnym kapitałam.
Stratolaunch naležyć Cerberus Capital Management — inviestycyjnaj kampanii, adzin z hienieralnych dyrektaraŭ jakoj Styŭ Fajnbierh (Steve Feinberg) niadaŭna byŭ pryznačany namieśnikam ministra abarony ZŠA. Ursa Major, u svaju čarhu, pryciahnuła $280 miljonaŭ inviestycyj i zaklučyła kantrakty z Vajskova-pavietranymi i Vajskova-marskimi siłami ZŠA.
Bred Apieł (Brad Appel), hałoŭny inžynier kampanii Ursa Major, paraŭnoŭvaje pieramieny ŭ halinie hipierhukavych technałohij z tym, što zrabiła SpaceX dla zapusku rakiet: jany stali tańniejšymi i dastupnymi dla šyrokaha vykarystańnia.
«Startapam nie patrebnyja dziesiacihodździ akademičnych daśledavańniaŭ, — kaža jon. — My prosta vychodzim i adrazu pravodzim vyprabavańni».
I choć ZŠA pakul nie zdahnali Kitaj, praryŭ, zdajecca, užo adbyŭsia. I jon staŭ mahčymym dziakujučy novym hulcam na rynku abarončych technałohij.
Ciapier čytajuć
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary