U Hrodnie supracoŭnica banka nielehalna zarablała na valutnym kursie
Śledčy kamitet zaviaršyŭ rasśledavańnie kryminalnaj spravy ab prysvajeńni bujnoj sumy hrošaj u adnym z hrodzienskich bankaŭ.
Jak paviedamiła pres-słužba Śledčaha kamiteia, 26-hadovaja supracoŭnica adnaho z bankaŭ Hrodna, jakaja adkazvała za abmien valut, prysvoiła bolš za 43 tysiač rubloŭ, vykarystoŭvajučy roźnicu kursaŭ i padroblenyja čeki.
Dziaŭčyna prymała najaŭnyja ŭ klijentaŭ, ale nie adrazu pravodziła apieracyju ŭ sistemie. Zamiest hetaha jana čakała źmieny kursu, a roźnicu pieravodziła sabie. Kab schavać machinacyi, jana drukavała čeki z ahulnaj bazy, stvarajučy bačnaść lehalnaj apieracyi.
Padazreńni ŭźnikli, kali kiraŭnictva zaŭvažyła nieadpaviednaści ŭ apieracyjach. Paśla pravierki ź pieralikam hrošaj i analizu zapisaŭ videanazirańnia kradziež paćvierdziŭsia.
Na dopycie dziaŭčyna pryznałasia, što chacieła «žyć pryhoža» — hrošy išli na kaviarni, kino i dastaŭku ježy.
U vyniku joj było vystaŭlena abvinavačvańnie pa častcy 4 artykuła 211 (prysvajeńnie daručanaj majomaści ŭ asabliva bujnym pamiery) Kryminalnaha kodeksa Biełarusi, jakoje praduhledžvaje maksimalnaje pakarańnie da 10 hadoŭ pazbaŭleńnia voli.
Dziaŭčyna raniej nie pryciahvałasia da kryminalnaj adkaznaści, na pracy charaktaryzavałasia stanoŭča, a škoda ad jaje dziejańniaŭ była całkam kampiensavanaja.
Adznačajecca, što bank paśla hetaha vypadku zrabiŭ bolš strohim valutny kantrol: ciapier śpiecyjalist moža paŭtorna razdrukavać tolki ček pa apošniaj praviedzienaj im apieracyi.
Ciapier čytajuć
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary