Čatyry samalijcy pastupili ŭ biełaruski kaledž, ale zamiest vučoby pajšli nielehalna praź miažu
Pradstaŭniki ad milicyi abmierkavali pytańnie vysyłki z Respubliki Biełaruś čatyroch hramadzian Samali u aktavaj zale Połackaha dziaržaŭnaha lasnoha kaledža, dzie tyja vučylisia. Sustreču praviali dla taho, kab papiaredzić inšych navučencaŭ kaledža z dalokich zamiežnych krain.
U sakaviku hetaha hoda čatyry samalijcy atrymali dazvoł na časovaje pražyvańnie ŭ Biełarusi dla navučańnia ŭ kaledžy. Adnak zamiest navučańnia hetyja inšaziemcy, jak śćviardžaje milicyja, sprabavali vykarystoŭvać terytoryju Biełarusi dla niezakonnaj mihracyi ŭ inšyja krainy.
U suviazi z hetym było pryniata rašeńnie ab ich vysyłcy i zabaronie na ŭjezd u Biełaruś na piać hadoŭ.
Načalnik Połackaha RAUS Viačasłaŭ Piatkun na praviedzienaj z zamiežnymi studentami sustrečy padkreśliŭ važnaść paźbiahańnia imi padobnych situacyj, kab praciahnuć znachodžańnie ŭ Biełarusi. A načalnica adździaleńnia pa hramadzianstvie i mihracyi Ina Maskalenka papiaredziła pra mahčymyja kryminalnyja nastupstvy.
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary