15 maja pamior viadomy navukoviec z Homiela, supracoŭnik Homielskaha dziaržaŭnaha univiersiteta imia Skaryny, dacent kafiedry fiłasofii, kandydat fiłasofskich navuk Viktar Adzinočanka, piša «Fłahštok». Pavodle źviestak vydańnia, niadaŭna ŭ jaho vyjavili ankałahičnaje zachvorvańnie na apošniaj stadyi — lačeńnie było ŭžo amal niemahčymym.
Adzinočanka viadomy tym, što vydaŭ pieršy vučebny dapamožnik dla studentaŭ pa relihijaznaŭstvie na biełaruskaj movie, a taksama inšyja šmatlikija publikacyi. U žyćci i na pracy jon razmaŭlaŭ pa-biełarusku.
Viktar Adzinočanka rodam z Rečycy, vykładaŭ va ŭniviersitecie relihijaznaŭstva, fiłasofiju, estetyku. U apošni čas jon pracavaŭ nad abaronaj doktarskaj dysiertacyi, adnak, pavodle źviestak kalehaŭ, atrymlivaŭ pieraškody z boku niekatorych pradstaŭnikoŭ administracyi VNU.
Adzinočanka taksama byŭ viadomy jak hramadski dziejač, jaki vymušany byŭ spynić aktyŭnaść paśla 2020 hoda. Jon doŭhija hady zajmaŭsia pravaabarončaj dziejnaściu na Homielščynie, byŭ niezaležnym naziralnikam za vybarami, kali heta było jašče mahčyma, udzielničaŭ u kampanii suprać śmiarotnaha pakarańnia. Z-za hetaha byŭ pad kantrolem uładnych struktur.
Navukoŭcu ŭ červieni pavinna było spoŭnicca 63 hady. U jaho zastałasia žonka i dvoje maleńkich dziaciej. Małodšamu dziciaci ŭsiaho kala troch miesiacaŭ.
Pachavalnaja śviataja imša pa Viktaru Adzinočanku adbudziecca ŭ kaściole Naradžeńnia Božaj Maci ŭ Homieli 17 maja ab 11-j hadzinie.
Pamierła 45-hadovaja eks-palitźniavolenaja Tamara Karavaj. Letaś jaje vyzvalili pa pamiłavańni
Pamior viciebski žurnalist i piśmieńnik Siarhiej Rubleŭski
Va ŭzroście 40 hadoŭ pamierła mastačka Nina Marhajeva
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili
Kamientary
Viečnaja pamiać.