U Minadukacyi raskazali, jak buduć arhanizavanyja vučebna-palavyja zbory dla dziesiacikłaśnikaŭ
Z nastupnaha hoda dla vučniaŭ 10-ch kłasaŭ uviaduć abaviazkovyja vučebna-palavyja zbory praciahłaściu 10 dzion. Pradstaŭnica Ministerstva adukacyi Iryna Karžova patłumačyła, jak jany buduć arhanizavanyja.
Pa słovach čynoŭnicy, sam pradmiet «Dapryzyŭnaja i miedycynskaja padrychtoŭka» užo isnuje, a zbory paśla 10 kłasa pravodziacca i ciapier. Ich vyniki ŭžo ŭvachodziać u hadavuju adznaku pa hetym pradmiecie. Adzinaje, što mianiajecca, — heta praciahłaść: zamiest 5 dzion budzie 10.
Taki farmat užo vykarystoŭvajecca ŭ kadeckich i suvoraŭskich vučyliščach, a taksama śpiecyjalizavanych licejach. Ale školnikam nie abaviazkova znachodzicca tam kruhłasutačna — zaniatki buduć ładzicca na bazie najbližejšych vajskovych čaściej, kafiedraŭ VNU abo centraŭ dapryzyŭnaj padrychtoŭki.
Zaniatki buduć pravodzić nastaŭniki razam z vajskovymi śpiecyjalistami, vykarystoŭvajučy techniku i abstalavańnie vojska. Usio budzie arhanizavana jak zvyčajny navučalny praces, u tym liku z charčavańniem pavodle normaŭ.
Kali škoła paličyć patrebnym, možna budzie pravodzić i vyjaznyja mierapryjemstvy. Dla hetaha padrychtujuć śpiecyjalnyja prahramy i rekamiendacyi.
Hetyja zbory, na dumku čynoŭnikaŭ, patrebnyja dla taho, kab vučni mahli na praktycy zamacavać viedy i navučycca dziejničać u składanych situacyjach. Jany taksama dapamahajuć rychtavacca da słužby ŭ armii. Za 10 dzion vučni projduć 60 hadzin zaniatkaŭ pa taktycy, fizičnaj i miedycynskaj padrychtoŭcy, akazańni pieršaj dapamohi, strajavoj i ahniavoj padrychtoŭcy, abaronie ad zbroi masavaha paražeńnia.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary