У Мінадукацыі расказалі, як будуць арганізаваныя вучэбна-палявыя зборы для дзесяцікласнікаў
З наступнага года для вучняў 10-х класаў увядуць абавязковыя вучэбна-палявыя зборы працягласцю 10 дзён. Прадстаўніца Міністэрства адукацыі Ірына Каржова патлумачыла, як яны будуць арганізаваныя.
Па словах чыноўніцы, сам прадмет «Дапрызыўная і медыцынская падрыхтоўка» ужо існуе, а зборы пасля 10 класа праводзяцца і цяпер. Іх вынікі ўжо ўваходзяць у гадавую адзнаку па гэтым прадмеце. Адзінае, што мяняецца, — гэта працягласць: замест 5 дзён будзе 10.
Такі фармат ужо выкарыстоўваецца ў кадэцкіх і сувораўскіх вучылішчах, а таксама спецыялізаваных ліцэях. Але школьнікам не абавязкова знаходзіцца там кругласутачна — заняткі будуць ладзіцца на базе найбліжэйшых вайсковых часцей, кафедраў ВНУ або цэнтраў дапрызыўнай падрыхтоўкі.
Заняткі будуць праводзіць настаўнікі разам з вайсковымі спецыялістамі, выкарыстоўваючы тэхніку і абсталяванне войска. Усё будзе арганізавана як звычайны навучальны працэс, у тым ліку з харчаваннем паводле нормаў.
Калі школа палічыць патрэбным, можна будзе праводзіць і выязныя мерапрыемствы. Для гэтага падрыхтуюць спецыяльныя праграмы і рэкамендацыі.
Гэтыя зборы, на думку чыноўнікаў, патрэбныя для таго, каб вучні маглі на практыцы замацаваць веды і навучыцца дзейнічаць у складаных сітуацыях. Яны таксама дапамагаюць рыхтавацца да службы ў арміі. За 10 дзён вучні пройдуць 60 гадзін заняткаў па тактыцы, фізічнай і медыцынскай падрыхтоўцы, аказанні першай дапамогі, страявой і агнявой падрыхтоўцы, абароне ад зброі масавага паражэння.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары