«Мы не дазволім Расіі ўбіць клін паміж намі». Мерц адправіў танкавую брыгаду бундэсвера ў Літву
Федэральны канцлер Германіі Фрыдрых Мерц упершыню наведаў усходні фланг НАТА. У Вільні ён разам з міністрам абароны Барысам Пісторыусам узяў удзел у цырымоніі ўводу ў строй нямецкай танкавай брыгады, якая ў перспектыве павінна дасягнуць колькасці ў пяць тысяч чалавек, піша Bild.
«Дарагія літоўцы, вы можаце разлічваць на Германію і нашых салдат. Мы не дазволім Расіі ўбіць клін паміж намі», — заявіў Мерц.
Стварэнне брыгады ў Літве атрымала асаблівае значэнне пасля «развароту» Дональда Трампа, які даў зразумець, што ЗША больш не будуць настойваць на спыненні агню ва Украіне.
«Новая нямецкая танкавая брыгада ў Літве — гэта выразнае папярэджанне расійскаму дыктатару Пуціну: Еўропа адзіная», — сказаў у размове з BILD прэм’ер-міністр зямлі Гесэн Борыс Райн.
Аднак падрыхтоўка брыгады суправаджаецца шэрагам праблем. Пакуль што ў Літве размешчаны толькі 800 вайскоўцаў, а для поўнай камплектацыі неабходна яшчэ больш за 4000 спецыялістаў. Мерц мяркуе, што Германія ўкладзецца ў тэрміны — брыгада павінна быць цалкам гатовая да 2027 года.
Для Літвы прысутнасць нямецкіх войскаў мае асаблівае значэнне. Армія краіны налічвае ўсяго 15 тысяч чалавек, уключаючы прызыўнікоў, і пры гэтым вайна ва Украіне ў Вільні ўспрымаецца як прамая пагроза.
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве37
Каментары
- 5 000 магчымая нем брыгада
- 15 000 армія Літва
Ітого
20 000 вайсковых без ваеннага досведу. Вайна в Украіне ужо прадамастравала не эфектыўнасць танкаў на полі бою, іх можа знішчыць звычайны фпв дрон. Тут вось якое пытанне: - А колькі тысяч дронаў ёсць у Літве, і колькі ў іх войску дранаводаў?
Канешне, пакуль ідзе гэта вайна, Літва можа быць пакойна, але ж калі ў восень яна скончыцца, мільёная армія РФ можа стаць не вырашальнай праблемай.