Nadzieŭ pakiet na hałavu. U Vilejcy mužčyna niuchaŭ klej prosta ŭ kaściole
Žychar Maładziečanskaha rajona pryjechaŭ u hości da svajački i znajšoŭ sabie dziŭnuju zabavu.
Mužčyna pryjšoŭ na słužbu ŭ kaścioł u Vilejcy i pačaŭ pavodzić siabie dziŭna. Jon nadzieŭ na hałavu pakiet i pačaŭ pieraškadžać navakolnym. Adzin z prychadžan vyvieŭ mužčynu z kaścioła. Toj prahulaŭsia pa haradskim parku, a praź niekatory čas viarnuŭsia ŭ chram i praciahnuŭ svoj dziŭny zaniatak. Tady prychadžanie vyklikali milicyju.
Siłaviki pryjechali na miesca i zrazumieli, u čym sprava. Jak vyśvietliłasia, mužčyna kupiŭ niekalki tciubikaŭ kleju, vycisnuŭ źmiest u pakiet, a potym nadzieŭ jaho na hałavu i pačaŭ niuchać hety klej.
Jak vyśvietlili milicyjaniery, žychar Maładziečanskaha rajona pryjechaŭ u Vilejku da svajački. Čamu jon vyrašyŭ niuchać klej prama ŭ kaściole, rastłumačyć mužčyna nie zmoh, paviedamlaje Kraj.by.
Na dziŭnaha hościa składzieny pratakoł za ŭžyvańnie narkatyčnych srodkaŭ u hramadskim miescy. Jon atrymaŭ štraf 420 rubloŭ.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary