14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku
U noč na 28 maja padletki adznačali ŭ pryvatnym domie ŭ rasijskim Bajkalsku dzień naradžeńnia 15-hadovaj Anastasii. Usiaho na viečarynie było 14 dziaciej.
Bližej da nočy piaciora dziaciej (u tym liku i sama imianińnica) syšli pa damach, a astatnija vyrašyli zastacca načavać tam, piša Baza.
Pa słovach udzielnikaŭ mierapryjemstva, macniej za ŭsich napiŭsia 17-hadovy Michaił. Jaho niekalki razoŭ sprabavali adpravić spać, ale jon admaŭlaŭsia zakančvać viečarynu.
Pa papiarednich danych, u niejki momant jon staŭ prystavać da 14-hadovaj Viki i prapanoŭvać joj zaniacca seksam. Dziaŭčynka adkazała admovaj. Michaił byŭ nastojlivy, i tady za Viku zastupilisia i inšyja dzieci.
Papiarednie, heta i stała pryčynaj kanfliktu. Nieŭzabavie Miša ŭziaŭ kancylarski nož i staŭ napadać na dziaciej.
Padčas napadu čaćviora dziaciej zahinuli, jašče niekalki atrymali ranieńni. Paźniej Michaił padpaliŭ dom, u jakim jon znachodziŭsia, i zahinuŭ i sam.
Adzin z paciarpiełych znachodzicca ŭ ciažkim stanie: Michaił trapiŭ jamu nažom u sonnuju arteryju. Chłopca płanujuć transpartavać sanavijacyjaj u Irkuck.
Ciapier čytajuć
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie45
Kamientary
Biezdahladnaja načnaja pjanka ŭ niejkim prytonie stała pryčynaj.