U Francyi dziciačy chirurh hvałciŭ pacyjentaŭ, kali jany byli pad narkozam
U Francyi 74-hadovaha byłoha chirurha Žaela Lo Skuarnieka pryhavaryli da 20 hadoŭ pazbaŭleńnia voli za seksualnyja damahańni i hvałt nad dziećmi. Za 30 hadoŭ svajoj praktyki ad jaho dziejańniaŭ paciarpieli 299 maleńkich pacyjentaŭ, paviedamlaje NBC News.
Siaredni ŭzrost achviar składaŭ kala 11 hadoŭ. Hvałt adbyvaŭsia, kali dzieci znachodzilisia pad aniestezijaj abo ŭ pieryjad adnaŭleńnia paśla apieracyj.
U Lo Skuarnieka jość troje dziaciej. Padčas suda jon pryznaŭsia ŭ svaich złačynstvach. Jak paviedamlaje NBC, hety lekar užo adbyvaje pakarańnie za zhvałtavańnie maładoj susiedki i troch dziaciej — u 2020 hodzie jamu prysudzili 15 hadoŭ.
Pavodle advakatki Frančeski Saty, jakaja pradstaŭlaje intaresy 10 achviar, papiaredžańni pra pavodziny Lo Skuarnieka pastupali na praciahu ŭsich 30 hadoŭ jaho pracy.
Za svaju karjeru jon pracavaŭ u dzieviaci dziaržaŭnych i pryvatnych klinikach u piaci rehijonach Francyi, śpiecyjalizujučysia na apiendyktamii (vydaleńni apiendyksaŭ), apieracyjach na brušnoj połaści i hiniekałahičnaj chirurhii.
Kamientary
Narkoz dajecca ŭ apieracyjnaj anesteziołaham. U anesteziołaha pavinien być pamočnik (ci miedsiestra). Jany pavinny bieśpierapynna nazirać za pacyjentami z momantu pačatku narkoza (u vypadku dziaciej - raniej) i da poŭnaha prabudžvańnia. Pobač z chirurham na apieracyi pavinna być jak najmieńš apieracyjnaja miedsiastra.
Jak heta naohuł mahčyma?