Čamu ŭ minskim mietro nielha rekłamavać kaŭbasu, syr i šampuni? Čynoŭnica patłumačyła
Pieršaja namieśnica staršyni Minharvykankama Nadzieja Łazarevič zajaviła, što hetyja pradukty možna rekłamavać u inšych miescach, piša «Minsk-Naviny».
Čynoŭnica ličyć, što mietro — heta abjekt vialikaha sacyjalnaha značeńnia, tamu rabić tam rekłamu kaŭbasy, syra i šampuniu «nie zusim karektna».
«U nas niamała inšych miescaŭ, dzie možna prasoŭvać pradukcyju: u horadzie 80 biłbordaŭ, z elektronnymi tabło i ŭ samych topavych łakacyjach», — zaŭvažyła Łazarevič.
Vytvorcam jana paraiła źviarnucca da «Minskrekłamy» — tam dla biełaruskaj pradukcyi abiacajuć łajalnyja ŭmovy.
«Nie dumaju, što atrymajecca daražej, čym na vahonach mietro. Nie kažučy ŭžo pra mahčymaści telebačańnia i inšych ŚMI», — dadała jana.
Naziemny transpart čynoŭnica taksama nie ličyć miescam dla takoj rekłamy, chacia i na jaho jość «niamała achvotnych».
Kamientary