Bulba novaha ŭradžaju źjavicca na pryłaŭkach užo ŭ bližejšyja tydni. Pra heta žurnalistam paviedamiŭ ministr sielskaj haspadarki i charčavańnia Juryj Horłaŭ na mižnarodnaj śpiecyjalizavanaj vystavie «Biełahra-2025», piša BiełTA.
«U minułym hodzie my vyraścili kala 780 tys. t bulby. Patreby našaj krainy — heta 78—90 tys. t bulby ŭ hod. Astatniaje my ekspartujem», — adznačyŭ Juryj Horłaŭ.
Sioleta biełaruskija ahraryi pasadzili bulbu na płoščy 21 tys. ha. «Z ulikam fiermieraŭ, jakija zajmajucca vyroščvańniem bulby, my płanujem atrymać sioleta kala 1 młn t bulby. Jaje chopić i dla ŭnutranaha spažyvańnia, i na realizacyju», — padkreśliŭ ministr.
Pryvoznaja bulba na palicach biełaruskich kram zajmaje nievialiki pracent, dadaŭ jon.
«U nas dastatkova našaj biełaruskaj bulby, rańniaj bulby, jakuju my pasadzili ŭ krasaviku. Nadvorje ŭniesła nievialikija karektyvy. Z-za zamarazkaŭ viehietacyja išła nie takimi tempami, jak fizijałahična pavinna była być. Tamu my ciapier čakajem i prystupajem da ŭborki našaj biełaruskaj bulby, jakaja zadavolić patreby ŭsiaho našaha ŭnutranaha rynku», — źviarnuŭ uvahu kiraŭnik haliny i zajaviŭ, što bulba novaha ŭradžaju źjavicca na pryłaŭkach užo ŭ bližejšyja tydni.
Ciapier čytajuć
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4747
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie47
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary