U Biełaaziorsku kala dziciačaha sada zatrymali mužčynu ź vintoŭkaj
U Biełaaziorsku kala dziciačaha sada zatrymali 61‑hadovaha mužčynu ź vintoŭkaj. Žančyna, jakaja prajazdžała mima, zaŭvažyła ŭzbrojenaha čałavieka ŭ aŭtamabili i paviedamiła pra heta ŭ milicyju. Mužčyna trymaŭ vintoŭku ŭ rukach i celiŭsia ŭ bok daškolnaj ustanovy, paviedamlaje Dziaržaŭny kamitet sudovych ekśpiertyz.
Padčas pravierki, praŭda, vyśvietliłasia, što stralać pa ludziach mužčyna nie źbiraŭsia. Pavodle jaho słoŭ, jon chacieŭ napałochać kata, jaki zalez na kapot jahonaj mašyny. Mužčyna śćviardžaŭ, što dvarovyja žyvioły ŭžo nieadnarazova drapali jahony aŭtamabil. Strelić jon tak i nie paśpieŭ.
Vintoŭku paśla taho kanfiskavali i nakiravali na ekśpiertyzu. Śpiecyjalisty vyśvietlili, što heta pnieŭmatyčnaja vintoŭka kalibru 4,5 mm, zavodskaja kanstrukcyja jakoj była źmieniena.
Paśla pierarobki dulnaja enierhija zbroi pavialičyłasia da 10,5 Dž, što pieravyšaje ŭstanoŭleny paroh u 7,5 Dž. Takaja pnieŭmatyčnaja zbroja padlahaje abaviazkovaj rehistracyi. Ekśpierty pryznali vintoŭku prydatnaj dla stralby.
Za parušeńnie terminaŭ rehistracyi takoj zbroi praduhledžany štraf ad 4 da 15 bazavych vieličyń. Za niezakonnaje našeńnie abo pieravozku — ad 8 da 10 bazavych vieličyń. Akramia taho, zbroju mohuć kanfiskavać.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe19
Kamientary