Ціханоўская: Кадэбісты сказалі, што дзяцей лёгка вярнуць у Беларусь
Абставіны ад'езду дзяцей Святланы Ціханоўскай у Літву ў чэрвені 2020 года выклікалі гарачую дыскусію ў інтэрнэце.
Святлана Ціханоўская дала вялікае інтэрв'ю BBC. Размова адбылася па-англійску і была апублікаваная ў аўдыяфармаце. А па беларускім інтэрнэце пайшоў гуляць яе пераказ, у якім адзін са сказаў быў скарочаны. Магчыма, той, хто пісаў тэкст, палічыў гэтыя словы малазначнымі, аднак менавіта іх адсутнасць справакавала дыскусію.
Ціханоўская: Калі я прыйшла ў ЦВК, людзі з КДБ сустрэлі мяне, замкнулі мяне ў асобным пакоі і пачалі размову. Сталі мне пагражаць, шантажаваць мяне дзецьмі.
BBC: Што яны сказалі пра дзяцей?
Ціханоўская: Што яны ведаюць, дзе яны знаходзяцца. І так лёгка вярнуць іх у Беларусь. Цябе затрымаюць. А ты толькі падумай, што іх чакае ў дзіцячым доме. Вы не пабачыце, як яны растуць.
Вылучанага сказу — «і так лёгка вярнуць іх у Беларусь» — у тэкставым пераказе не было. Таму некаторыя, у прыватнасці, рэдактарка «Хартыі'97» Наталля Радзіна, маглі палічыць, што Ціханоўская ўтойвае праўду і робіць выгляд, што яе дзеці на той момант знаходзіліся ў Беларусі.
Дзеці Ціханоўскай насамрэч выехалі ў Літву яшчэ да жніўня 2020 года разам са сваёй бабуляй.
Аднак, як вынікае са словаў Ціханоўскай, кадэбісты палохалі яе тым, што змогуць вярнуць іх у Беларусь і адправіць у дзіцячы дом.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары
Na maju dumku, to bylo naŭmysnym krokam, krychu skazić tekst...