Sudna, na jakim siarod inšych płyvie šviedskaja ekaaktyvistka Hreta Tunbierh, nabližajecca da terytaryjalnych vodaŭ Hazy. Ministr abarony Izraila Israel Kac zahadaŭ nie padpuskać karabiel.
«Ja daŭ ukazańnie Armii abarony Izraila dziejničać takim čynam, kab fłatylija nianaviści «Madlen» nie dasiahnuła bierahoŭ Hazy, i vykarystoŭvać dla hetaha ŭsie nieabchodnyja srodki», — napisaŭ u tvitary ministr.
«Vam lepš viarnucca, tamu što vy nie pryjedziecie ŭ Hazu», — źviarnuŭsia Israel Kac da Hrety Tunbierh i inšych ludziej na karabli.
«Izrail budzie procidziejničać lubym sprobam prarvać błakadu abo akazać dapamohu terarystyčnym arhanizacyjam — na mory, u pavietry i na sušy», — dadaŭ jon.
הנחיתי את צה"ל לפעול כדי שמשט השנאה "מדלין" לא יגיע לחופי עזה - ולנקוט בכל אמצעי שיידרש לשם כך.
לגרטה האנטישמית ולחבריה דוברי תעמולת חמאס אני אומר בצורה ברורה: כדאי שתעשו אחורה פנה - כי לעזה לא תגיעו.
ישראל תפעל נגד כל ניסיון לשבור את הסגר או לסייע לארגוני טרור – בים, באוויר… pic.twitter.com/5gwCLqOYLH
Karabiel u Hazu adpłyŭ ź Sicylii ŭ minułuju niadzielu. Akcyja arhanizavana ŭ ramkach misii «fłatylija Svabody» z metaj «prarvać błakadu Hazy z boku Izraila» i pryciahnuć uvahu da humanitarnaj situacyi ŭ rehijonie. Tunbierh raniej vykazvała padtrymku Paleścinie i siektaru Haza, udzielničajučy ŭ akcyjach salidarnaści i zaklikajučy da nieadkładnaha spynieńnia ahniu i spraviadlivaści dla paleścincaŭ.
Na borcie taksama francuzskaja deputatka Jeŭraparłamienta palestynskaha pachodžańnia Ryma Chasan i viadomy irłandski akcior Liam Kaninham (zdymaŭsia, naprykład, u «Hulni tronaŭ»).
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary