U Rasii prapanavali adklučać internet pa načach dla pavyšeńnia naradžalnaści
Deputat Branskaj abłasnoj dumy i kiraŭnik ruchu «Rasija pravasłaŭnaja» Michaił Ivanoŭ prapanavaŭ unačy adklučać internet dla maładych par bieź dziaciej. Jon miarkuje, što heta dapamoža pavysić naradžalnaść, bo ludzi zamiest taho, kab pravodzić čas u hadžetach, buduć bolš znosicca pamiž saboj i dumać pra stvareńnie siamji, piša vydańnie «Abzac».
Ivanoŭ ličyć, što aptymalny čas dla takoha «ličbavaha ŭstrymańnia» — z 23:00 da 02:00.
Jon adznačyŭ, što internet staŭ formaj zaležnaści, jakaja niehatyŭna ŭpłyvaje na siamiejnyja kaštoŭnaści i demahrafičnuju biaśpieku krainy. Pavodle jaho słoŭ, ułady pavinny stvarać umovy, što buduć zaachvočvać maładych ludziej da žyvych znosin i śviadomaha baćkoŭstva.
Ivanoŭ taksama pryhadaŭ, što prablemu internet-zaležnaści ŭžo nieadnarazova ŭzdymali ŭ Dziarždumie. Naprykład, sienatarka Volha Jepifanava śćviardžała, što žyćcio ŭ siecivie spryjaje indyvidualizmu i ehaizmu.
U vyniku deputat prapanavaŭ pačać z dobraachvotnaha ekśpierymientu pry ŭdziele internet-pravajderaŭ i sacyjalnych słužbaŭ. Jon miarkuje, što abmiežavańnie dostupu da zabaŭlalnaha kantentu ŭnačy — heta nievialikaja cana za budučyniu nacyi i adnaŭleńnie mocnych siamiejnych tradycyj.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
I voobŝie viernuť pravo piervoj bračnoj noči choziainu